A GUARDA

Ignacia Cadilla Alonso, a «avóa da Guarda», cumpriu 109 anos

· É a terceira muller de máis idade de Galicia 

Ignacia Cadilla Alonso - no centro da imaxe - recibiu a visita do alcalde e da concelleira de Servizos Sociais acompañada dos seus familiares

Fotos: C.A.G.

Infogauda / A Guarda

 O alcalde do Concello da Guarda, Antonio Lomba Baz e a concelleira de Servizos Sociais, Mª Teresa Vicente Baz, visitaron este mércores a Ignacia Cadilla Alonso,  a «avóa da Guarda», que ven de celebrar o seu 109 cumpre anos.  

Ignacia Cadilla Alonso conversando con Antonio Lomba Baz

 Ignacia Cadilla recibiu aos representantes municipais, acompañada dos seus familiares e agradeceu a súa visita, recordando o paso das procesións pola súa rúa, que acostuma a ver dende as xanelas da súa casa na Rúa Hernán Cortés. 

 Segundo comentou a súa familia, Ignacia ten moi boa saúde, aínda que o pasado mes tivo un pequeno susto. Malia uns problemas de mobilidade, Ignacia e os seus familiares agardan celebrar os seus 110 anos o ano que ven. Segundo os datos do Instituto Nacional de Estatística, Ignacia é a terceira persoa de máis idade de Galicia. 

 A representación municipal entregoulle unha placa conmemorativa, así como un ramo de flores e unha tarta, e desexaron poder volver visitala para darlle os parabéns nos próximos anos.