O Concello avanza nun padrón municipal máis áxil e eficiente
Infogauda / A Guarda
O executivo municipal do Concello de A Guarda fai público que o concello ven de incorporar un servizo de padrón municipal máis áxil e eficiente, grazas a un convenio marco coa Deputación de Pontevedra, que permitiu a implantación, uso e soporte dunha solución con novas ferramentas.
Entre as novidades máis importantes destaca a posibilidade de que os veciños soliciten volantes de padrón dende a súa propia vivenda, sen necesidade de desprazarse ata o consistorio, deste xeito, e cun certificado dixital, os veciños poden solicitar un volante de padrón a través da sede electrónica.
En futuras datas incorporarase tamén a funcionalidade para poder pedir de xeito telemático os volantes de padrón colectivo, e agárdase que tamén sexa posible facelo sen empregar certificados dixitais, o que favorecerá o acceso a este servizo por parte da poboación.
O Concello de A Guarda incorpora no portal de transparencia numerosa información de interese
O Concello da Guarda, cumprindo cos obxectivos de transparencia pública e información aos cidadáns, ven de incorporar recentemente ao portal de transparencia da sede electrónica municipal, informacións de temática variada sobre proxectos, normativas, patrimonio, urbanismo, obras, orzamento municipal, entre outros.
Desde o executivo municipal do concello de A Guarda indican que "recentemente, puxéronse á disposición dos cidadáns toda a información relativa aos proxectos das obras da Rúa San Queitano, o parque de patinaxe ou as obras de humanización da Rúa Concepción Arenal.
Deste xeito os cidadáns poderán acceder a estes contidos, para a súa consulta ou descarga e coñecer máis polo miúdo estas informacións".
O Concello de A Guarda incorpora no portal de transparencia numerosa información de interese
O Concello da Guarda, cumprindo cos obxectivos de transparencia pública e información aos cidadáns, ven de incorporar recentemente ao portal de transparencia da sede electrónica municipal, informacións de temática variada sobre proxectos, normativas, patrimonio, urbanismo, obras, orzamento municipal, entre outros.
Desde o executivo municipal do concello de A Guarda indican que "recentemente, puxéronse á disposición dos cidadáns toda a información relativa aos proxectos das obras da Rúa San Queitano, o parque de patinaxe ou as obras de humanización da Rúa Concepción Arenal.
Deste xeito os cidadáns poderán acceder a estes contidos, para a súa consulta ou descarga e coñecer máis polo miúdo estas informacións".
Ningún comentario:
Publicar un comentario