A GUARDA

Cruz Vermella pon en marcha un obradoiro de informática 

· Para persoas maiores no Baixo Miño 

Cruz Vermella / A Guarda

 Cruz Vermella en A Guarda organiza un curso de informática básica dirixido a maiores de 65 anos, no que poderán participar ao redor de 15 persoas. Terá lugar nos meses de outubro e novembro, os mércores pola tarde en horario de 16:30 a 18:30, na aula CeMIT situada no Centro Cultural de A Guarda.  

 Cando as persoas chegamos á vellez, algunhas funcións psicolóxicas poden resultar afectadas de diferente forma. Co fin de evitar ou retrasar a aparición do deterioro cognitivo, é recomendable realizar actividades destinadas ao exercicio da memoria que axuden a manter e potenciar as diferentes capacidades cognitivas, e a informática é unha delas. 

 Aquelas persoas que estean interesadas nas novas tecnoloxías e na aprendizaxe do uso do ordenador, terán que inscribirse neste obradoiro na oficina que Cruz Vermella. Trátase dunha actividade financiada pola Xunta de Galicia.

 Para máis información:  

Asamblea Comarcal Cruz Vermella Baixo Miño 

Rúa Agustín Nandín Lomba, nº 1 Baixo 

Teléfono: 986 61 46 09 

Correo electrónico: laguardia@cruzroja.es