A GÁNDARA (A GUARDA)

· Cunha ampla programación de actividades culturais, deportivas, festivas, gastronómicas,...

AS FESTAS DAS MERCEDES CONMEMORAN SEU Iº CENTENARIO (1918 - 2018)

  

Capela da Nosa Sra. da Mercé, na Gándara (Salcidos) pertencente o Arciprestado de A Guarda - Tebra

Infogauda / A Guarda

 A Gándara celebra do 14 ao 24 de setembro o I Centenario das Festas das Mercedes cunha ampla programación de actividades nas que se inclúen eventos deportivos, gastronómicos e de lecer.  

 Nesta edición se cumpre o centenario da inauguración da capela adicada en advocación a Nosa Señora da Mercé, polo que a comisión de festexos ten unha programación especial que xa comezou o pasado día 1 de setembro co X Torneo da Cachiza e que continúa este venres día 14 co pregón das festas a cargo de Beti Rey Ferreira, actuacións musicais e a inauguración da exposición sobre a capela da Mercé.  

 Na xornada do sábado día 15 celebrarase a III Baixada de Carrilanas e pola noite o VIII Serán musical. 

 Na xornada do domingo 16 de setembro, a partir das 11:00 h., terá lugar a XVIII Carreira Pedestre Popular Julia Vaquero Sousa.

 Pola tarde concerto da Banda de Música da Agrupación Musical de A Guarda e unha representación teatral de «Os Mellores do Grupo».  

 Destaca tamén na programación a XXXI edición da Festa da zorza, un evento gastronómico de gran arraigo na zona e que congrega a numerosos comensais. 

 Coma novidade o sábado 22 de setembro celebrarase tamén un concurso degustación de repostería e tortillas. 

 Dende o luns 17 e ata o xoves 20 de setembro realizaranse diferentes actuacións musicais contando cos grupos Treboada Virxe do Alivio, Coiro Vello, Xamaraina, A Boalleira, Treboada Baixo Miño, Talent Latino Studio 88, Na Revolta,...

Programación:

Venres 14:

Pregón a cargo de Beti Rey Ferreira e actuación do dúo de violín e saxo Antonio Seijo & Pablo Estelles, con posterior concerto da Banda de Música da Agrupación Musical do Rosal.

Inauguración da exposición sobre o Centenario da capela da Mercé.

Sábado 15:

III Baixada de Carrilanas dende as 16:00 h, e ás 21:00 h VIII Serán na Praza dos Seixiños.

Domingo 16:

XVIII Carreira Pedestre Popular Julia Vaquero. Dende ás 11:00 h. 

Ás 17:00 h., actuación da Banda de Música da Agrupación Musical de A Guarda.

 Ás 19:00 h., representación teatral de «Os mellores do Ghrupo», de Santa María de Oia.

Luns 17:

A partires das 20:00 h., Treboada Virxe do Alivio e cantos de chabola con Coiro Vello.

Martes 18:

A partires das 20:00h actuación do grupo de baile Xamaraina e do grupo de gaitas A Boalleira.

Mércores 19:

A partires das 20:00 h., actuación da Treboada Baixo Miño e Talent Latino Studio 88.

Xoves 20:

A partires das 20:00 h., concerto de Na Revolta.

Venres 21:

XXXI Festa da Zorza a partires das 18:00 h.,  coa animación do grupo de gaitas A Boalleira, fin de festa co DJ Guille e unha gran queimada popular.

Sábado 22:

A partires das 17:00 h. concurso degustación de repostería e tortillas, seguido dunha gran verbena a partires das 21:00 h., coa orquesta La Torre e o grupo Ritmo Latino.

Domingo 23:

Ás 10:00 h. pasarrúas a cargo do Trebón dos Xidos. Ás 17:00h actuación do Rancho Folclórico Os Camponeses Minhotos de Cerdal (Valença do Minho), e ás 21:00 h., verbena na zona da Fonte Bieita coa orquestra Olympus e o grupo Magical.

Luns 24:

De 17:00 h. a 19:00 h., xornada de xogos tradicionais e deporte na rúa para todas as idades na Praza dos Seixiños. A partires das 19:30 h., actuación do grupo folk Pelepau e tirada de fogos de luces para rematar a festa.