A GUARDA

A Guarda acolle o «XI Encontro da Cultura Celta» 

· Terá lugar este venres día 10 de agosto

Infogauda / A Guarda 

 Os «Amigos da Cultura Celta», un colectivo que agrupa a máis dun cento de expertos e afeccionados de diversos países de Europa e de América, van celebrar no municipio de A Guarda, seu XI Encontro da Cultura Celta.

 O XI Encontro da Cultura Celta terá lugar este venres día 10 de agosto a partires das 10:30 horas, no Salón de Actos do Centro Cultural da Guarda, sito na Rúa Rosalía de Castro, 14. 

 Entre a programación de actividades para esta edición destaca o acto solemne de entrega de distincións e recoñecementos a personalidades do mundo da docencia, a investigación, a difusión da cultura e da conservación do patrimonio, amenizando a actividade con música celta. Os poñentes serán: 

· Blanca García-Fernández Albalat (doutora en Historia Antiga) 

· Jesús Francisco Torres Martínez (doutor en Prehistoria e Arqueoloxía pola UCM).

 Como moderador intervirá Rafael Rodríguez Martínez (arqueólogo da Deputación de Pontevedra).   

 Seguindo coa programación, visitarase a Citania do Monte de Santa Trega da Guarda, baixo as explicacións do Director de Conservación e Interpretación.  

 O obxectivo que persegue este colectivo é dar a coñecer, cunha perspectiva histórica e cultural, o incalculable valor do noso patrimonio celto-castrexo, potenciando o gran interés turístico-cultural que posúe tal e como o veñen facendo outros «países celtas» dos fisterres europeos.  

 Ao acto, que será de carácter público, asistirán autoridades académicas e políticas, expertos na temática celta de seis universidades españolas e portuguesas, docentes, escritores, xornalistas e destacados especialistas e intérpretes do que se considera a «música celta». 

 Sen dúbida será un destacado evento cultural.