MADRID

PREVISIÓNS PARA A SEMANA DO LUNS 11 AO VENRES 15 DE XUÑO DE 2018 NA DELEGACIÓN DA XUNTA EN MADRID/CASA DE GALICIA

Luns, 11

19:30 horas 

A Delegación da Xunta en Madrid/Casa de Galicia acollerá a presentación/Rolda de prensa de “ARDE  LUCUS, XVIII ANIVERSARIO”, e as múltiples actividades programadas, novas case o 80%, para a edición de 2018 desta festa, declarada de Interese Turístico Nacional, e que se celebrará na cidade de Lugo os días 15, 16 e 17 de xuño.

No acto intervirán a alcaldesa de Lugo, Lara Méndez e a  concelleira de Cultura, Turismo, Mocidade e Promoción da Lingua, Carmen  Basadre.

Martes, 12

19:30 horas 

Presentación do libro "Sueño de infancia", de Moncho  Rouco, publicado agora en castelán por Turpin Editores (Xerais, fíxoo en galego o pasado ano). Trátase dunha novela a medio camiño entre o recordo pausado propio dos libros de memorias e o vibrante ritmo dos relatos de aventuras. Narra as andanzas dun neno que viviu na Galicia dos anos sesenta e setenta, nun tempo no que se anunciaba a entrada nunha era de cambios tecnolóxicos, sociais e políticos, cando  o rural xa ía cedendo o paso ao progresivo acomodo da vida urbana.

No acto intervirán, ademais do autor Moncho  Rouco; o Dr. e profesor de Xeografía e Historia, Ricardo Santos; e o editor José Manuel Martín.