O CEIP M.R. Sinde recibiu a 15 mestres europeos participantes nun proxecto Erasmus+
O centro guardés participa no
plan europeo de cooperación escolar xunto con colexios de 6 países europeos.
Os docentes foron recibidos na
casa do concello o pasado venres, poñendo fin á súa experiencia na vila.
Os visitantes foron recibidos no salón de plenos do Concello polo alcalde, Antonio Lomba Baz, e a concelleira de Educación, María Elena Baz Rodríguez
Sara Alonso / A Guarda
O
Centro de Educación Infantil e Primaria (CEIP) Manuel Rodríguez Sinde recibiu a
pasada semana a 15 docentes de distintos países europeos participantes no
proxecto Erasmus+ «Terra Vita», orientado ao intercambio de experiencias e boas
prácticas no eido educativo e medioambiental.
As
mestras -procedentes de centros de ensino infantil, primario e educación
especial de Bulgaria, Croacia, Eslovenia, Grecia, Polonia e Romanía-
permaneceron na Guarda entre os días 23 e 25 de maio co fin de traballar
conxuntamente na elaboración do calendario de actividades do proxecto para o
próximo curso.
Á
súa chegada, os docentes foron recibidos polo alumnado xa nos corredores do
centro de ensino guardés. As cativas e os cativos tamén se encargaron de
familiarizar aos seus convidados coa cultura e a idiosincrasia galega e
propiamente guardesa, ofrecendo un festival musical no que amosaron dende os
instrumentos e cancións tradicionais ata o traxe popular de Galicia.
Durante
as tres xornadas, os profesores tiveron tempo de visitar o Monte Santa Trega,
achegarse ao centro San Xerome Emiliani e coñecer as instalacións da adega
Terras Gauda, ademais de traballar na organización do proxecto «Terra Vita»
conxuntamente cos docentes do centro anfitrión.
Como
colofón a esta experiencia na Guarda, os visitantes foron recibidos no salón de
plenos do Concello polo alcalde, Antonio Lomba, e a concelleira de Educación,
María Elena Baz. Os representantes municipais agradeceron aos asistentes a súa
labor en prol do desenvolvemento educativo e explicaron os proxectos de
colaboración que dende o Concello se veñen impulsando cos distintos centros da
vila. Pola súa parte, cada un dos mestres convidados achegou un anaco da
cultura e a tradición dos seus respectivos países natais. Ao remate do acto de
recepción, os representantes municipais e os docentes fixeron un intercambio de
agasallos.
Proxecto
«Terra Vita»
O
proxecto «Terra Vita» foi aprobado en 2017 no marco do Programa Europeo de
Educación, Formación, Xuventude e Deporte Erasmus+. Pertence ao
dentro grupo KA201, que consiste en
asociacións estratéxicas escolares nas que poden colaborar outras organizacións
relacionadas co ámbito educativo tales como autoridades locais, universidades,
centros de investigación, bibliotecas e museos.
O
proxecto desenvolverase durante 2 anos, finalizando en setembro de 2019, co
obxectivo principal de promover a cooperación e intercambio de boas prácticas
entre as distintas organizacións participantes.
Ningún comentario:
Publicar un comentario