DEPORTES

O MONTE SANTA TREGA ACOLLEU A CUARTA EDICIÓN DO TRAIL DO TREGA

Con preto de 300 participantes

O oiense Antonio Liébanas conseguiu percorrer os 18,5 km da proba, con preto de 1.100 metros de desnivel acumulado, en pouco menos de 1h52’14’’, proclamándose como campión absoluto 

O gañador absoluto, xunto co segundo e o terceiro clasificado, en presenza da concelleira de Sanidade e Servizos Sociais, María Teresa Vicente Baz, e do concelleiro de Deportes e Patrimonio, Manuel Javier Crespo González

Fotos: C.A.G.

Infogauda / A Guarda

 A Guarda acolleu o pasado domingo, 26 de novembro, a cuarta edición da proba deportiva Trail do Trega. Preto de 300 persoas participaron na carreira pedestre e a andaina, que transcorreron polo Monte Santa Trega e a súa contorna.

 Namentres as preto de 70 persoas participantes na andaina comezaron o seu percorrido ás 9:15 horas, a carreira cronometrada comezou puntualmente ás 10:00 horas, partindo da explanada do Centro Cultural.

 O oiense Antonio Liébanas conseguiu percorrer os 18,5 km da proba, con preto de 1.100 metros de desnivel acumulado, en pouco menos de 1h52’14’’, proclamándose como campión absoluto entre os máis de 220 participantes. Poucos segundos despois, acadou a meta o vigués Alberto Iglesias (1h52’32’’) e, trancurridos 1h54’09’’ do inicio, fíxoo o redondelan José Luis Dorado.

 Podio das mellores atletas clasificadas no IV Trail do Trega

 Na categoría feminina, conseguiron os mellores tempos a tudense María Jesús Fernández (2h32’55’’), e as viguesas Elena Pérez e Isabel González, que cruzaron a liña de meta nesta orde e con poucos segundos de diferenza (2h36’35’’ e 2h36’54’’, respectivamente).

 Podio dos mellores atletas locais

 Tamén obtiveron recoñecemento os tres guardeses co mellor resultado. Así, Josué Moreno (2h05’34’’), Antolín Martínez (2h10’44’’) e Javier González (2h13’27’’) recibiron un trofeo da man da concelleira de Sanidade e Servizos Sociais, María Teresa Vicente Baz, e o concelleiro de Deportes e Patrimonio, Manuel Javier Crespo González. María Dolores González, pola súa parte, foi - segundo informan dende o Concello de A Guarda - a única guardesa participante (3h04’33’’).

 Na categoría Sénior masculina (participantes de entre 18 e 34 anos) acadaron os mellores tempos David Alonso (1h55’02’’), o oiense Iván Pimentel (1h56’42’’) e Ángel Álvarez (2h02’42’’). Na feminina, pola súa parte, obtiveron recoñecemento Natalia Sierpes (2h40’28’’), Patricia Pereira (3h23’20’’) e Nerea González (4h02’12’’).

 Na categoría Veteranas A (participantes de entre 35 e 44 anos), os mellores tempos foron os conseguidos por Elena Pérez,  Isabel González e  a viguesa Susana Álvarez (2h49’06’’), namentres na categoría masculina estes coincidiron íntegramente cos gañadores absolutos da carreira.

 Na categoría Veteranos B (a partir de 45 anos), os mellores resultados foron os obtivos polo vigués Miguel Dorado (1h56’58’’), o redondelano Gonzalo Rodríguez (1h58’54’’) e Fran Blanco (2h02’17’’) de Boiro, respectivamente. Na categoría feminina, pola súa parte, estas foron María Jesús Fernández, Isabel Cunha (2h38’25’’) procedente de Vilanova de Cerveira, e a porriñesa Irene Sobreira (2h56’03’’).

 O evento deportivo, que transcorreu sen incidencias, foi organizado por TimeAventure en colaboración co Concello da Guarda, a Deputación de Pontevedra e a Comunidade de Montes Veciñais en Mán Común da Guarda.