CULTURA
ISAURA LAGO ÁLVAREZ, DE REDONDELA, GAÑA O 1º PREMIO DO XXXI CERTAME DE POESÍA FELICINO ROLÁN
O 2º premio é para Rocío Leira Castro, de Cee (A Coruña), e o 3º premio para Ramón Sandoval, de Vigo
Monumento o poeta Feliciano Rolán Vicente, obra do insigne escultor Magín Xulio Picallo Durán
Foto: Infogauda
Infogauda / A Guarda
A Agrupación Cultural Guardesa ven de facer pública á acta do xurado do XXXI Certame de Poesía Feliciano Rolán Vicente, na cal se da a coñecer o que segue.
O día 21 de xullo, ás 20:30 horas da tarde, ten lugar no local da Agrupación Cultural Guardesa a reunión do xurado cualificador do XXXI Certame de Poesía Feliciano Rolán en presenza de membros da directiva.
Forman parte do xurado: Chuny Vázquez Vicente, poetisa e pintora; Gloria Inés Vázquez Castro, mestra de Educación Primaria; María Soledad Diz Amil, licenciada en Xeografía e Historia e bibliotecaria do Concello da Guarda; Florentina Andrés Álvarez, profesora e doutora en Ciencias Políticas; Fátima Pérez Sobrino, licenciada en Filoloxía Hispánica.
O xurado acordou premiar aos seguintes poetas:
1º Premio: Isaura Lago Álvarez, de Redondela, polo poema “Meu fillo, meu corpo”.
2º Premio: Rocío Leira Castro, de Cee (A Coruña), polo poema “Ruinas habitadas”.
3º Premio: Ramón Sandoval, de Vigo, polo poema “Náufrago das cidades”.
Remátase a deliberación do xurado ás 10:30 da noite e acórdase comunicar aos poetas galardoados que a data de entrega de premios será o xoves día 3 de agosto ás 9 da tarde no Centro Cultural da Guarda e contaremos coa actuación das pianistas María Alonso Vázquez e Laura González González.
A Presidenta, Julia Sobrino, comunica o agradecemento da Agrupación Cultural Guardesa ao Concello da Guarda, á Concellería de Cultura, á Concellería de Turismo e á Deputación de Pontevedra pola subvención e colaboración neste acto.
A Guarda, 21 de xullo de 2017
A PRESIDENTA A SECRETARIA
Julia Sobrino González María Soledad Diz Amil
Ningún comentario:
Publicar un comentario