GOIÁN

CINEMA

O Cineclub Poleiro proxecta Tarde para la ira, gañadora de catro Premios Goya 

Tarde para la ira é un thiller, a primeira película de Raúl Arévalo, como director

Rita Alonso / Goián

 O xoves, 9 de marzo, o Cineclub Poleiro proxecta no Auditorio de Goián, ás 21:30 horas, Tarde para la ira, dirixida por Raúl Arévalo.

Sinopse: Madrid, agosto de 2007. Curro entra no cárcere logo de participar nun atraco a unha xoiería. Era o conductor e o único detido no roubo. Oito anos despois sae de prisión con ganas de emprender unha nova vida xunto á sua noiva e ao seu fillo, pero atopará no camino un descoñecido e unha situación inesperada.

Premios: 

4 premios Goya, incluíndo Mellor Película e director novel. 11 nominacións.

Festival de Venecia. Mellor Actriz (Ruth Díaz).

5 premios Feroz, incluindo mellor drama, director e guión.

        

Críticas:

 “Arévalo aprendeu , e ben, dos mellores directores cos que traballou… Excelente película sobre a xestación lenta e paciente da ira”. Quim Casas: Diario El periódico.

“Tarde para la ira é puro Peckinpah, é puro Saura. E, sobre todo, é puro cine”. Andrea B. Bermejo. Cinemanía.

 O xoves, 6 de abril, Cementery of Splendour, un drama de tintes fantásticos e surrealistas dirixido polo tailandés Weerasethakul sobre unha extraña enfermidade que provoca alucinacións nos soldados.

 O xoves, 4 de maio pecha o ciclo a francesa Mustang, dirixida por Deniz Gamze. Un drama contra a sinrazón da relixión, ambientada en Turquía.

 O bono para as catro películas deste ciclo custa 10 euros.

 O cineclub Poleiro conta co apoio da Concellería de Cultura do Concello de Tomiño e da Federación de Cineclubes de Galicia.