A GUARDA

O BNG solicita información sobre o destino da pedra da rúa Calvario da Guarda  

O BNG pregunta “pola pedra que había na rúa Calvario antes da reforma” 

Ángel Luis Baz Vicente, portavoz do BNG na Guarda

Infogauda / A Guarda

 O Bloque Nacionalista Galego presentou un escrito no rexistro do concello solicitando “información sobre o destino da pedra resultante da reforma da rúa Calvario na Guarda”. 

 “A reforma da rúa incluía o cambio do firme, polo que a pedra que existía foi cambiada por outra nova”, relembra Ángel Luis Baz Vicente, portavoz do BNG na Guarda.  

 “O BNG - engade o voceiro do BNG - solicitou información sobre o destino deste material que debe formar parte do patrimonio guardés”. 

 “Falamos dun material caro que ben pode ser utilizado para outro tipo de obras. Por iso queremos saber onde está e se está debidamente gardado”, remarca o concelleiro Ángel Luis Baz Vicente.