GALICIA

HOMENAXE NACIONAL ÁS VÍTIMAS DO FRANQUISMO EN SAN SIMÓN DOMINGO 17 DE XULLO  

Iniciativa Galega pola Memoria

 A Iniciativa Galega pola Memoria, un ano máis organiza a homenaxe nacional ás vítimas do franquismo que terá lugar este domingo día 17 de xullo na Illa de San Simón. Este ano, polo seu 80 aniversario ten especial relevancia para chamar a atención sobre este espazo que debera ser fundamentalmente un lugar para a memoria. 

 Na illa de San Simón houbo moitos presos na súa colonia penitenciaria agardando en moitos casos un desenlace tráxico. É un sitio para o recordo mais tamén para reivindicar a xustiza nun presente onde aínda segue vixente a impunidade, a mentira e a apoloxía dese réxime de terror. Desde a Iniciativa Galega pola Memoria queremos un ano mais defender a verdade, a xustiza, a reparación e as garantías de non repetición. 

 As persoas que estean interesadas en asistir teríanse que poñer en contacto con algunha das asociacións memorialísticas da súa comarca que sexan membros da IGM co fin de organizar o embarque xa que as prazas son limitadas. 

 A inscrición pecharase en canto se complete o número que lle corresponden a cada comarca. Confirmarase e darase un tiquet a aqueles que poidan embarcar. Ninguén que non estea confirmado e co tiquet poderá embarcar por necesidades da propia limitación de prazas que teñen os barcos.

 Inscricións e información: coordinadora@igmemoria.com Telf. 636535815

PROGRAMA  

- Visita guiada á Illa, a cargo de Matías Rodríguez da Torre, 10 h.  

- Charla sobre Imaxes da Memoria (a partir de imaxes relacionadas coa illa como prisión). Luís Bará, 11 h..  

- Acto central (explanada do cemiterio na Illa de San Antón): 12 h..            

Lectura da declaración de San Simón por Montse Fajardo.

Intervención do historiador Dionisio Pereira.           

Actuación musical de 2nafronteira
            www.2nafronteira.com            

Ofrenda floral e himno galego.  

- Concerto de 2nafronteira na capela de San Simón (13.15 h).     

CARÁCTER REIVINDICATIVO DO ACTO  

- SOLICITUDE DE DENOMINACIÓN OFICIAL DA ILLA DE SAN SIMÓN COMO ILLA DA MEMORIA. ESPAZO SIMBÓLICO DA REPRESIÓN, DA RESISTENCIA E DA MEMORIA COLECTIVA. 

-DESENVOLVEMENTO NA ILLA DUN PROGRAMA ANUAL DE ACTIVIDADES ARREDOR DA REPRESIÓN E DA MEMORIA HISTÓRICA.  

- Actividades para o público escolar.  

- Actividades para público xeral.  

- Presenza da temática da represión nas visitas guiadas á illa.  

- RECUPERACIÓN DE EXPOSICIÓN A ILLA DA MEMORIA E OUTROS ELEMENTOS RELACIONADOS COA ILLA COMO LUGAR DE REPRESIÓN (FOTOS, DOCUMENTOS, OBXECTOS, BIBLIOTECA TEMÁTICA...).  

- MEMORIAL DE SAN SIMÓN: Homenaxe permanente ás vítimas e ás persoas solidarias

GALICIA

O Goberno galego destina un total de 400.000 euros para financiar estas subvencións no ano 2016 

A Xunta de Galicia publica no DOG a convocatoria de axudas para a adquisición de taxis adaptados a persoas con mobilidade reducida coa achega de ata 10.000 euros por vehículo 

Os beneficiarios destas axudas son as persoas físicas titulares de autorizacións de transporte, documentadas en tarxetas da serie VT-N expedidas pola Dirección Xeral de Mobilidade  

Os vehículos obxecto das subvencións deberán estar adaptados para o uso de persoas con mobilidade reducida, adquiridos dentro dos prazos fixados e non se admitirán coches de segunda man  

A Xunta, mediante esta medida, pretende incrementar a autonomía das persoas con mobilidade reducida e posibilitar un transporte público universal, accesible, eficaz e útil  

Infogauda / Santiago

A Consellería de Infraestruturas e Vivenda vén de publicar no Diario Oficial de Galicia (DOG) a orde pola que se establecen as bases para a concesión de axudas para a adquisición de vehículos de taxi adaptados a persoas con mobilidade reducida mediante unha partida de 400.000 euros que permitirá proporcionar axudas de 10.000 euros por vehículo.

Poderán ser beneficiarios das axudas as persoas físicas titulares de autorizacións administrativas de transporte vixentes, documentadas en tarxetas da serie VT-N, expedidas pola Dirección Xeral de Mobilidade. Para que xeren dereito á axuda, as autorizacións terán que estar domiciliadas en Galicia e vixentes no momento da presentación da solicitude.

As persoas interesadas nestas axudas poderán presentar as súa solicitudes no prazo dun mes, contado a partir de hoxe. Premendo eiquí pódese consultar máis información sobre a orde. 

Na orde ponse de manifesto que será subvencionable a adquisición de vehículos taxi que reúnan as seguintes condicións: deben estar adaptados para o seu uso por persoas con mobilidade reducida, adquiridos dentro dos prazos fixados e non se admitirán vehículos de segunda man.

A Xunta, mediante este tipo de iniciativas, pretende diminuír aquelas dificultades que afectan a sectores concretos da poboación, de xeito que se afonde máis na igualdade material esixida pola Constitución Española. Neste sentido, implantar uns servizos de transporte público cada vez máis accesibles é unha das medidas que pode contribuír a acadar ese obxectivo, posto que incrementa a autonomía das persoas con mobilidade reducida e posibilita un transporte público máis eficaz e útil.

A Lei 4/2013 de transporte público de persoas en vehículos de turismo de Galicia establece que o transporte público de persoas en vehículos de turismo, en especial o servizo de taxi, ten unha importancia decisiva como instrumento conformador da convivencia da cidadanía e da habitabilidade no contorno urbano e interurbano. As administracións competentes deben, polo tanto, velar por garantir a universalidade, accesibilidade e calidade na prestación do servizo.

A Xunta de Galicia a través da Consellería de Infraestruturas e Vivenda pretende, mediante esta orde de axudas, fomentar o cumprimento do Real Decreto 1554/2007, do 23 de novembro, no que se regulan as condicións básicas de accesibilidade e non discriminación para o acceso e utilización de modos de transporte para persoas con discapacidade, así como o cumprimento das esixencias establecidas a este respecto no resto da normativa sectorial de aplicación. Trátase así contribuír a garantir a mobilidade no transporte público de toda a cidadanía.

CULTURA

A Xunta de Galicia participa na homenaxe a Pura e Dora Vázquez na VIII Festa da Palabra

A Insua dos Poetas acolleu esta celebración, xa consolidada na axenda cultural do verán en Galicia, á que asistiron os conselleiros de Cultura e Educación e do Medio Rural

Infogauda / O Carballiño (Ourense)

O conselleiro de Cultura, Educación e Ordenación Universitaria, Román Rodríguez, e a conselleira do Medio Rural, Ángeles Vázquez, participaron esta tarde na homenaxe que a VIII Festa da Palabra lle rendeu a Pura e Dora Vázquez na Insua dos Poetas, na localidade ourensá do Carballiño. A cita, xa consolidada na axenda cultura do verán en Galicia, recorda neste 2016 a figura de dúas irmás que dedicaron a vida ao ensino, “dúas mulleres – segundo indicou o titular de Cultura da Xunta- que en plena posguerra desafiaron as convencións sociais para escribir textos xornalísticos e literarios en galego, sendo tamén pioneiras no eido da nosa literatura infantil e xuvenil”.

Neste sentido Román Rodríguez quixo salientar o feito de que ambas as dúas levaran con elas a lingua galega, o que forxou a súa contribución a que hoxe gocemos “dunha literatura tan rica como a actual e dunha lingua tan vital como a nosa”, dixo. Así mesmo felicitou á Fundación Insua dos Poetas, presidida por Luís González Tosar, por terse fixado en dúas mulleres, “xa que é ben sabido que o papel feminino na historia da literatura a miúdo se silencia e oculta”. Pola súa parte, a conselleira do Medio Rural destacou a alianza da literatura coa vida do rural, que “resalta de forma artística o día a día da nosa xente e das nosas tradicións”. Ángeles Vázquez referiuse ás homenaxeadas como un símbolo das nosas raíces e da cultura galega máis enxebre, que aínda se ve máis embelesada nun entorno natural como é a carballeira da Insua dos Poetas.

Por outra banda, e referíndose ao propio espazo físico no que se desenvolve o acto, o conselleiro celebrou o feito de que a Festa da Palabra se celebre na Insua dos Poetas, un lugar no que a literatura dialoga coas artes plásticas e no que a homenaxe a escritores se converte tamén en recoñecemento ao traballo e creación dos máis relevantes escultores contemporáneos da nosa terra, cuxa obra convive coa natureza neste espazo situado na parroquia de Madarnás. Neste sentido Román Rodríguez felicitou á Fundación polo seu bo facer e controbución ao enriquecemento da nosa lingua e cultura.

Entre outras autoridades, no acto participaron a delegada da Xunta na provincia de Ourense, Marisol Díaz Mouteira; os secretarios xerais de Cultura e de Política Lingüística, Anxo Lorenzo e Valentín García, respectivamente; e o presidente da Fundación, Luís González Tosar.

Fundación Insua dos Poetas

Desde 2009 a Festa da Palabra homenaxeou a figura de Ramón Piñeiro (2009), Arturo Baltar (2010), Xosé María Díaz Castro (2011), Celso Emilio Ferreiro (2012), os poetas do Rexurdimento (2013), Eduardo Blanco Amor (2014) e Francisco Luis Bernárdez (2015).

Ademais a Fundación Insua dos poetas organiza e acolle diferentes iniciativas didácticas e culturais, entre as que destaca a celebración do Día da Auga, da Árbore e da Poesía, que conta coa participación do alumnado de centros educativos.

 

CAMINHA

CULTURA

Investimento em pleno Centro Histórico ronda o milhão e euros    

Primeiro-Ministro inaugurou este sábado a nova Biblioteca Municipal de Caminha 

                                                   António Costa

Infogauda / Caminha

 O Primeiro-Ministro, António Costa, inaugurou este sábado, a nova Biblioteca Municipal de Caminha, um investimento de cerca de um milhão de euros, que a Câmara conseguiu financiar aproveitando os últimos fundos comunitários disponíveis. O Chefe do Governo chegou ao centro da Vila pelas 10h00, na zona da Torre do Relógio.    

 A nova Biblioteca Municipal de Caminha, em pleno Centro Histórico da Vila, está pronta. Trata-se de uma obra estruturante que custou 907.374,73 € + IVA. Foi comparticipada em 85% pelo Fundo Europeu de Desenvolvimento Regional (FEDER).  

 A construção da nova Biblioteca Municipal traduz-se num importante contributo para o aumento, diversificação e enriquecimento da oferta cultural no concelho, e para a qualificação do Centro Histórico da Vila de Caminha.

  

Nova Biblioteca de Caminha

 Da autoria do arquiteto Nuno Brandão Costa, o projeto da nova Biblioteca de Caminha incluiu a requalificação da casa existente e a construção de um "acrescento", que o autor denomina de "dissonante", construído em granito. Assim, na casa, no rés-do-chão, situa-se o átrio e, na parte superior, uma área da sala de leitura. No "acrescento", no espaço de baixo, foi instalada a sala infantil, com janelas voltadas para o exterior. Na parte superior, fica a parte restante da sala de leitura, tudo em vidro, com varandas que permitem ampliar o espaço, que poderão ser transformadas em salas de leitura durante o verão. O projeto ainda contempla a construção de uma cave que interliga os dois volumes, onde foi construído um auditório.  

 A obra resulta de uma candidatura apresentada e aprovada pelo Eixo Prioritário III - Valorização e Qualificação Ambiental e Territorial, objetivo específico Rede de Equipamentos Culturais, do Programa Operacional ON.2 - O Novo Norte (Programa Operacional Regional do Norte 2007-2013 (QREN).