O ROSAL

OS ALCALDES DO GGR 14 PRESENTARÁN Á ESTRATEXIA DE DESENVOLVEMENTO LOCAL

Infogauda / O Rosal

 Este mércores día 15 de xuño, os alcaldes dos municipios pertencentes ao Grupo de Desenvolvemento Rural GDR 14 presentarán o documento resultado da finalización da segunda fase do proceso participativo de elaboración da estratexia de desenvolvemento local: as Liñas de actuación e o Plan de acción. Éste é o paso previo a ter o documento para a candidatura final, que recollerá a estratexia local que rexirá o proceso de financiación de proxectos nas convocatorias de fondos LEADER do programa 2014-2020. 

 Os 13 concellos participantes presentarán ao público e á prensa o documento de Liñas de actuación e Plan de Acción elaborado polo persoal técnico do GDR e a poboación participante no proceso, mediante un acto simbólico na Adega Lagar de Fornelos.