PATRIMONIO

Fortificaçons externas de longo comprimento

Forte de Moros

José Buiza Badás

 Conferindo as varias tipologías planimétricas existentes nos recintos abaluartados, vamos referir essas que caracterizam-se polo esticamento linear da sua planta. Há exemplos a citar, de entre os quais estes dous de pertença cronológica diferente:

 Forte Palmaria ou Cavour, no âmbito da defesa costeira de La Spezia, Italia. Apresenta-se como umha estrutura deveras impressionante e como pretenso projeto napoleónico na  origem. Foi erguido entre 1857 e 1861, dotando-se dum polígono externo bem alongado de 972 m. consequência da junçom de três corpos pentagonais. O seu perímetro real fai 1,06 quilómetros de comprimento, ocupando umha área de 30.500 m2. O cruzamento de diagonais revela umhas cifras de 345 m. x 352 m. Entre extremos perfai ademais 387 m., sendo a mediçom total da frente de 450 m. por mor de diferentes requebros. Todavia, as suas diferentes larguras, máxima, média e mínima, revelam mediçons de 144 m., 102 m. e 95 m.  Trata-se dumha obra avançada, decimonónica, de patente evoluçom militar, baseada na estrutura de caserna, antibomba, abase de materiais  como o betom armado, ou o “calcestruzzo” ou formigom. É composto quanto a muniçom de 2 cavaleiros de Nascente e Poente e de bateria central a olhar para o suleste, de 10, 11 e  6 obuses, respectivamente.

  Em Cartagena, Departamento  Marítimo  Mediterrânico e conjunto abaluartado intrasponível (Napoleom nom se atreveu a sitiá-lo), reparamos numha obra externa de orientaçom noreste que forma parte dum sistema defensivo terrestre, em conjunçom com um outro sistema costeiro, a proteger o arsenal abaluartado cartagenense. É o Forte de Moros, que forma parte de, no mínimo, 25 obras militares alí sediadas a testemunharem um alto pico de potencialidades bélicas. Levantado entre 1773 e 1778, define-se por ser de inspiraçom neoclássica e afrancesada, ecléctico  quanto a cotas de terreno desiguais, bastions trapezoidais, comprimento, etc., com polígono externo trapézio de 600 m. (mesmo que nom pareça) e mediçom total linear de 250 m., incluindo o fosso. O seu perímetro real regista 614 m. e tem um eixo de  simetrizaçom de 44 m. de largura. Os seus bastions Norte e Sul contenhem 5 lados, som trapezoidais, aderidos a duas cortinas paralelas e corpo central hexagonal de 148 m. de perímetro. As suas funçons defensivas tinham por finalidade dissuadir ataques polo Leste da cidade e proteger os muros perimetrais do Batel, do Mar, da Terra e o muro de Benipila. Também, obviamente o Arsenal.

 Numha segunda parte tentarei fazer umha abordagem de outra estrutura alongada: Bateria de Santa Andrea, em Veneza.

 R.P.I.