A GUARDA

A REESCAVAÇOM DO SECTOR MERGELINA NO POBOADO DO MONTE SANTA TREGA DEIXA INCÓGNITAS POR DESCIFRAR

Mosaico con catro imaxes das escavaçoms e unha da barferência do arqueólogo Rafael Rodríguez

Foto: José Manuel Díaz Cobal

José Manuel Díaz Cobal / A Guarda

 O arqueólogo Rafael Rodríguez foi o encarregado de da-la barferência que versou sobre a reescavaçom do sector Mergelina, no poboado celtogalaico d'O Trega. Atuouse num total de 2.300 metros cuadrados, que deixaram à vista 45 estruturas ou cabanas (tres delas con características um tanto atípicas.) 

 O proprio arqueólogo e coordinador ficou gratamente surpreendido de que numha reescavaçom apareceram tantos materiais ( preto de 40.000 fragmentos de ceràmica, a xa famosa cabeça antropomorfa da idade do ferro, dúas moedas e meia da época imperial romana e tres ánforas,das quales dúas estám em bastante bo estado). 

 A cervexería Ítaca que acolhera esta segunda barferência de inverno, encheuse nesta ocasiom de público curioso e interesado polo tema tratado, e que nom parou de facer preguntas ao ponente ata o final do ato, que se prolongou até quáseque dúas horas. 

 Quedaram algumhas incógnitas por descifrar, coma puidera se-la utilidade da estranha construçom de forma retângular com um engadido triângular; tambem as curiosas arquetinhas, a xeito de cistas (6), atopadas nos patios dalgums núcleos habitacionais, e umha enorme construçom rectangular de funcionalidade ainda por determinar (possívelmente de caráter público).