PATRIMONIO

Forte da Lagarteira ou de Âncora: Umha aproximaçom  inicial.  (*)

Forte da Lagarteira, também designado por Forte de Âncora

Foto: C.M.C.

Juan Badas

 Mesmo que alguns nom acreditem, é  importante por sinal sublinhar a importância da análise arquitectónica à hora de especificarmos a singularidade de um edifício. Mesmo que para alguns pareça chato, ou repetitivo, poucas unidades a analisar som iguais umhas às outras.

 No caso que nos ocupa, é preciso salientar umha componente bem original em planta, cujos lados  perfazem um polígono irregular tetradecágono que, simplificado num polígono externo imaginário ajuda-nos a concretizar um pentágono, recriado pola ligaçom linear dos cantos, se exceptuarmos aqueles da  barbeta traseira.

 Assim sendo, conforme olhamos a frontaria do forte, temos umhas faces  direita e esquerda, para além da cortina, de 20 metros cada; os flancos, da sua vez, medem 8 metros, numha aparência de total regularidade. A seguir, esses meios baluartes que antecipam a alteraçom de toda a planta, também tenhem na sua bissectrizfictícia medidas iguais, de 26  metros de  comprimento. Até  aqui, nada a declarar.

 No entanto, o redente traseiro direito tem nos lados da angulaçom esses  10,50 x 10 metros e o redente traseiro esquerdo alcança umhas medidas de 22 x 10 metros. Quebra-se, portanto, a simetria e a axialidade, obrigando ao recinto interior a adotar umha forma trapezoidal. Nota-se isto também na distância existente entre as guaritas do lado esquerdo, 40  metros, e as guaritas do lado oposto, 33 metros.

 A  barbeta é formada por três lados de 15, 20 e 13,50 metros, e umha profundidade de 15  metros, afigurando a junçom de três triângulos equiláteros e tendo servido de referência para outros enclaves próximos no sentido de assumirem-se como fortes de orla costeira de funçom defensiva auxiliar  e dispondo de tiro de livre e vária orientaçom com o recurso à plataforma terraplanada, semicircular ou  facetada, chamada de barbeta.

 Portanto, o frontal do forte esconde a deformaçom morfológica de trás, perfeitamente valida e original, aquando supomos que a distãncia de os 60 metros entre guaritas, digamos, de aparato, poderám de feito repetir-se noutras perspectivas e lados.Nom sendo assim na realidade… No interior, a Praça de Armas é condicionada por este pre-cálculo construtivo, estando as dependências em disposiçom perimetral, com rampas de acesso aos parapetos e às superfícies terraplanadas de um maior nível.

(* )O apuramento deste estudo inicial se seguirá numha outra folha do “Croco”, tendo em conta a sua originalidade e a sua nom dependência de outras abordagens já feitas em tempos.