Ábrense inscricións para un curso de introdución á música clásica e ópera con Manuel López-Benito Álvarez
IEM / Gondomar
O musicólogo e divulgador Manuel López-Benito Álvarez dirixirá un curso de “Introdución á música clásica e a ópera con audicións comentadas” no Instituto de Estudos Miñoranos.
As aulas darán comezo o vindeiro xoves 6 de novembro en horario matinal de 11 a 13 horas na Aula de Cultura Ponte de Rosas (Avda da Feira Nº 10, baixo – Gondomar). As mesmas se desenvolverán todos os xoves laborables do mes. As inscrición están abertas ata o vindeiro mércores 5 de novembro.
O curso conforma un ciclo de bloques temáticos mensuais independentes que irá até o mes de xuño de 2015. A inscrición é independente para cada un deles e ten un custe de 40 euros. Está a disposición o teléfono 986 36 05 75 de luns a venres de 18 a 22 horas e o correo oficina@minhor.org .
Ningún comentario:
Publicar un comentario