BAIONA

MEMORIA

HOMENAXE NA "VOLTA DOS NOVE"

Fotografías: Bruno Centelles

 IEM / Val Miñor

 Hoxe, domingo 19 de outubro, ás 12:30 horas, tivo lugar unha sinxela homenaxe ao redor do monumento "Volta dos Nove”. Un ano máis, familiares, veciñas e veciños lembramos a memoria dos nove veciños miñoranos asasinados pola represión franquista na madrugada do 15 de outubro de 1936, á altura do quilómetro 58 da estrada Baiona - Camposancos. 

 A homenaxe consistiu nun momento de recollemento fronte ao monumento, obra do escultor Fernando Casás, a presentación da marcha "Volta dos Nove" interpretada polo seu autor, X. Bieito Álvarez Lobariñas, acompañado do seu grupo de música tradicional, unhas breves palabras do historiador Carlos Méixome, director do IEM, e unha ofrenda floral.
+ INFO