A GUARDA

O GRUPO MUNICIPAL CONVERXENCIA GALEGA SOLICITA MEDIDAS URXENTES PARA EVITAR PERCANCES NA AVENIDA CIRCUNVALACIÓN

 

Infogauda / A Guarda

O Grupo Municipal Converxencia Galega, con representación na Corporación Municipal do Concello de A Guarda, ven de presentar no rexistro municipal de entradas á seguinte comunicación:

¡¡MEDIDAS URXENTES PARA EVITAR ALGÚN PERCANCE!!

 Dende fai varios días, na Avenida Circunvalación, as persoas que pasan polo lugar, especialmente a altura da parcela que da fronte as vivendas sinaladas cos números 22 o 26, poden atoparse cún derrumbe de terra e pedras que cada pouco caen sobre a beirarrúa.

 Tendo en conta que a cantidade de persoas que por alí transcorren,  e sendo lugar de paso para os/as nenos/as que acuden o Colexio Público “Manuel R. Sinde” pode acontecer en calquer momento unha situación de perigo que pode afectar a integridade física deles ou dos/as veciños/as do lugar.

 Nestas datas que xa temos tido días de invernía e tendo en conta que estamos entrando en épocas de chuvias, os riscos son maiores polo que o problema se está agravando.

 Por todo o exposto, dende Converxencia Galega, vimos a solicitar que dende o Concello, especialmente polo Departamento de Vías e Obras, se proceda a tomalas medidas que corresponda da maneira máis urxente, a fin de que por parte dos propietarios de dita parcela se tomen as medidas de seguridade para os/as viandantes que pasan polo lugar.

A Guarda, a 02 de Octubro do 2.014      

Xosé María Martínez Rodríguez  

Responsable Local de Converxencia Galega        

Sr. Alcalde-Presidente 

Sr. Concelleiro de Vías e Obras 

CONCELLO DE A GUARDA