Álvaro Peralta / A Guarda
Este venres 22 de agosto ás 20:00 horas presentarase o libro A voz quebrada. Da Memoria histórica e o
terror fascista, no Centro Social O Fuscalho de A Guarda (Paseo Marítimo a
carón do dique). A obra editada dentro
da colección Letras da Groba polo Instituto de Estudos Miñoranos, será
presentada polo seu autor, Xosé María Álvarez Cáccamo.
Da obra
Tirando da “memoria de poeta” en palabras de Xosé Manuel Beiras,
prologuista do libro, Cáccamo percorre dende as súas vivencias como membro
dunha familia de represaliados, os tempos do terror franquista dende a sublevación do 36 até a morte do
ditador. Período histórico marcado pola execucións tras xuízo sumarísimo do seu
avó, o médico republicano de Tui, Darío Álvarez Limeses e o asasinato de
Alexandre Bóveda, sobriño deste. O
sufrimento familiar continuou co desterro do seu pai Xosé María Álvarez
Blázquez e á cadea do seu tío, Darío Álvarez Blázquez. “En Tui –sinala o autor-
unha voz bestial pronunciou esta sentenza: <>, a miña”.
Do autor
Xosé María Álvarez Cáccamo (Vigo, 1950) poeta e crítico literario,
publicou tamén obra narrativa e teatral, así como literatura para crianzas.
Ocúpase ademais na creación de poemas obxectuais e visuais, expostos con
regularidade dende o ano 2007. A reivindicación da memoria histórica das
vítimas do terror franquista imposto en 1936 exprésase con frecuencia a
través da súa obra literaria,
xornalística e oratoria.
Ningún comentario:
Publicar un comentario