PONTEVEDRA

A DEPUTACIÓN ADXUDICA 500.000 EUROS A MELLORA DA CAPA DE RODADURA E SINALIZACIÓN DE 10 ESTRADAS DA ZONA SUR

·       As obras están destinadas a reforzar a seguridade viaria e a capacidade de freado e control dos vehículos

                                                                           

A Xunta de goberno da Deputación adxudicou 500.000 euros dentro do plan de investimentos para a posta a punto das súas estradas, valorado en 2 millóns de euros. As obras están destinadas á mellora da capa de rodadura e sinalización de 10 estradas da zona sur da provincia. Consistirán en distintas aplicacións, todas elas conducentes a reforzar a seguridade viaria e a capacidade de freado e control dos vehículos

As estradas onde se traballará son:

• N-550- Lago de Castiñeiras, tramos P.K. 0+000a P.K. 5+500

• Ramal Igrexa de Figueirido, tramos P.K. 0+000a P.K. 0+670

• San Benito- Domaio, tramos P.K. 0+000 a P.K. 2+500

• Acceso Praia de Aguete, tramos P.K. 0+000a P.K. 0+364

• Praia Lapamán, tramos P.K. 0+000a P.K. 0+195

• Praia Lagos, tramos P.K. 0+000a P.K. 0+900

• Praia Beluso, tramos P.K. 0+000a P.K. 0+500

• Sabarís-Belesar, tramos P.K. 0+650a P.K. 1+400

• Tabagón-Rosal-Portecelo, tramos P.K. 0+000a P.K. 1+180

• Lougares-Piñeiro, tramos P.K. 4+820 a P.K. 8+980

A importante densidade de tráfico que soportan as estradas da provincia durante todo o ano, provoca que o pavimento na zona de circulación se deteriore polo continuo paso de vehículos, de aí o compromiso da Deputación por resolver os problemas que isto ocasiona e reducir o nivel de sinistralidade na comarca.

Uns traballos que sen dúbida redundarán nunha maior calidade de vida dos condutores que a diario circulan por estas estradas, e que mellorarán a seguridade viaria, sobre todo naqueles tramos onde existe maior perigo.

Zona Norte

Con esta acción se completa a mellora das estradas da provincia como ven facendo a Deputación coas estradas da zona norte: Na comarca de Pontevedra: En Cotobade, na E.P 0410 Igreza-Loureiro, E.P 0408 Paraños-Trabazo e E.P 0409 Carballedo-Trabazo. En pontevedra na E.P 0004 Marcón-Pintos A Reigosa, e no concellos de Caldas-Moraña sobre a E.P 8201 Moraña-Santa Xusta.

En Arousa, se realizarán obras na E.P 9001 Castrelo-Couto de Abaixo e E.P 9005 Corbillón-Tremoedo en Cambados;  E.P 9106 Praia do Carreiro de O Grove; E.P 9210 acceso A Roxique (Sanxenxo); E.P 9301 Dena- Couto de Abaixo (Meaño), E.P 9403 Santo Tomé- San Salvador (Meis) e na E.P 9703 Vilanova-Pontearnelas no concello de Vilanova de Arousa.

No Deza: na E.P 6003 Soutologo-Doade de Lalín, e na E.P 6203 Negrelos-Pedroso do concello de Rodeiro.