A GUARDA

VENDA DE PRODUTOS DAS COOPERATIVAS “O PORTIÑO” E “SOLATERRA” DO COLEXIO AS SOLANAS DE A GUARDA, DENTRO DO PROXECTO “EMPRENDER NA MIÑA ESCOLA EME COOPERANOVA”

Infogauda / A Guarda

Co obxectivo de difundir a cultura emprendedora entre o alumnado de primaria dos centros educativos da provincia, a Deputación Provincial está a desenvolver, no curso académico 2012-2013, o proxecto educativo “Emprender na miña escola  EME – COOPERANOVA”, que conta coa colaboración da Consellería de Cultura, Educación e Ordenación Universitaria da Xunta de Galicia.

“Emprender na miña Escola – EME Cooperanova” é un proxecto educativo dirixido o alumnado de Educación Primaria da provincia de Pontevedra que consiste na creación e xestión dunha cooperativa escolar.

O obxectivo deste proxecto é desenvolver hábitos e comportamentos emprendedores entre o alumnado, facilitando a súa integración social de xeito mais eficaz e satisfactoria á vez que se favorece o desenvolvemento de competencia básicas tales como:

-       Competencia en comunicación lingüística

-       Competencia matemática

-       Competencia no coñecemento e a interacción co mundo físico

-       Tratamento da información e competencia dixital

-       Competencia social e cidadá

-       Competencia cultural é artística

-       Competencia para aprender a aprender

-       Autonomía e iniciativa persoal

Na terceira, e derradeira fase deste proxecto para o curso 2012 e 2013, o alumnado realizou as seguintes tarefas para chegar o obxectivo final da venda dos produtos elaborados:

-       Fabricación de produtos

-       Etiquetado e envasado

-       Política de prezos

-       Organización e deseño do punto de venda

-       Preparación do mercado e solicitude do permiso de venda

O vindeiro 22 de xuño de 2013, as cooperativa “O Portiño” e “Solaterra” do Colexio As Solanas de A Guarda realizarán a venda dos seus produtos no mercado de  A Guarda:

22 de xuño  MERCADO EME COOPERANOVA EN  A GUARDA

ACTO: Mercado Eme Cooperanova en A Guarda

LUGAR: Feira de A Guarda (A Guarda)

DATA: 22 de xuño de 2013

  

ASISTENTES:

-          Pablo Baquero Alvarez (Deputado Provincial)

-          Fanny Iglesias (Portavoz do PP no Concello de A Guarda)

-          José Manuel Domínguez Freitas (Alcalde de A Guarda)

-          Miguel Panette Fernández (Técnico da Deputación do Proxecto Eme Cooperanova)

-          Alumnado membro das cooperativas “O Portiño” e “Solaterra”

-          Directora e titores do colexio  As Solanas de a Guarda

CRONOGRAMA DO ACTO

10:30 Recepción de autoridades.

10:35 Entrega do permiso de venda polas autoridades ó/á presidente/a da cooperativa.

10:40 Visita ós stands das Cooperativas “Solaterra” e “O Portiño”.

Para facer un seguimento pormenorizado do proxecto “Emprender na miña escola -       EME COOPERANOVA pódese consultar a páxina da Deputación ou no enlace correspondente.