Os asistentes
recibirán un certificado de asistencia con aproveitamento ao Curso de Formación
Continua en Dirección e Xestión dun Club Deportivo
·
A entidade provincial destina 15.000 euros a esta
actividade formativa
·
Impartiranse 6 cursos a través dos cales se formarán 240
persoas.
Os vindeiros días 24 e 25 de maio
desenvolverase a segunda edición do «I
curso de Formación Continua en Dirección e Xestión de Clubs e Entidades
Deportivas», enmarcado dentro do Plan de
Formación de Técnicos Deportivos 2013 e que conta cunha aportación da
Deputación de 15.000 euros.
Esta iniciativa ten por obxecto,
proporcionar formación sólida e de calidade ós directivos; contribuír a unha
configuración curricular alternativa dos asistentes; a mellora da calidade
xestora dos clubs, mediante a formación teórico-práctica, dos directivos;
comparar e analizar os modelos de xestión utilizados nos clubs; salientar a importancia de utilizar unha
correcta pedagoxía e didáctica do deporte; e identificar as demandas e
necesidades reais dos directivos de clubs.
Ofertarase 40 prazas por curso e un total de 6 cursos o
que supón a formación de 240 persoas. Os cursos celebraranse entre abril e
decembro. Todos eles terán lugar nas instalacións da Escola de Canteiros da
Deputación situada en Poio. Os
destinatarios dos mesmo serán os directivos e técnicos deportivos dos distintos
clubs da provincia de Pontevedra. As clases son impartidas por profesores de distintas
universidades galegas; profesionais do deporte de recoñecido prestixio; e técnicos da Administración.
Nesta segunda edición está prevista participación de representantes do C.D. Padel
Feminino Cies; Club Balonmán Deza; Club Baloncesto Arxil; Club Cisne Balonmán;
Asociación Deportiva Propontelo; Club Poio Fútbol Sala; Escola Fútbol Base
Portonovo; Asociación Xuvenil Saraiba do Mar; Escola Fútbol Base Portonovo;
Club Baloncesto Redondela; Club Waterpolo Galaico Pontevedra; C.D. Choco; Club
Peña Trevinca Montañeiros De Galicia: Alondras C.F.; Goian C.F.; Monte Real
Club de Iates Baiona; Club Ciclista Rías Baixas; Club Deportivo Covelo F.S.;
Club Deportivo Covelo F.S.; Covelo Club De Fútbol; Club De Remo Vila De Cangas;
Vea C.F.; Club Baloncesto Dorna; Club De Pesca As Joritas; Marcón Atlético;
Club Natación Sanxenxo; Club Baloncesto Río Ulla; Club Náutico Punta Lagoa;
Real Club Náutico De Vigo; e Escola Deportiva Municipal Estradense.
Ante a gran demanda de participación que está rexistrando
esta actividade, existe unha lista de reserva con 10 interesados en asistir ó
curso que entrarían se houbera baixa
dalgún dos seleccionados.
Con respecto ós horarios, a
actividade formativa desenvolverase os venres, de 16:00 a 20:00 horas; e os sábados de 10:00 a 14:00 horas e de 16:00 a 20:00 horas. Os
asistentes recibirán un certificado de asistencia con aproveitamento ó Curso de
Formación Continua en Dirección e Xestión dun Club Deportivo.
· 1º edición. Pontevedra, 26-27
de abril 2013
· 2º edición. Pontevedra, 24-25
de maio 2013
· 3º edición. Pontevedra, 27-28
de setembro 2013
· 4º edición. Pontevedra, 25-26
de outubro 2013
· 5º edición. Pontevedra, 29-30
de novembro 2013
· 6ª edición. Pontevedra, 13-14
de decembro 2013
Ningún comentario:
Publicar un comentario