Cunha duración de entre 430 e 650 horas, están orientados a facilitar a
inserción laboral de persoas desempregadas
PONTEVEDRA
E PONTEAREAS ACOLLERÁN OS 5 PRIMEIROS CURSOS DO PROXECTO AQUELANDO 3
·
A deputada Marta Iglesias participou hoxe na presentación dos catro cursos
que se celebrarán en Pontevedra
A
Deputación Provincial de Pontevedra pon en marcha a primeira edición do
proxecto aQuelando3, con 5 cursos que
se impartirán nas localidades de Pontevedra e Ponteareas e que darán comezo o
vindeiro día 22 de abril.
En total serán 75 persoas
desempregadas -15 en cada curso- as que teñan ocasión de mellorar o seu
currículo e de recibir unha formación que lle facilite o seu retorno ou ingreso
no mercado de traballo.
A
deputada Marta Iglesias foi a encargada de presentar esta mañá os catro que se
desenvolverán en Pontevedra e que versan sobre Implantación e animación de espazos comerciais (que se impartirá no edificio Administrativo
da Deputación e terá unha duración de 430 horas) e Atención Sociosanitaria a persoas
dependentes en Institucións Sociais (500 horas), Atención sociosanitaria a persoas no domicilio (650 horas) e Docencia da Formación Profesional para o
Emprego (480 horas), que terán lugar nas instalacións do Centro Infantil
Príncipe Felipe.
O
obxectivo do proxecto aQuelando3 cofinanciado
polo Fondo Social Europeo nun 80%, é facilitar a inserción laboral e o acceso
ao mercado de traballo de persoas desempregadas por medio de accións formativas
e outras medidas que contribúan a adaptar o seu currículo e o seu perfil
profesional a ámbitos de emprego en auxe.
Nesta
edición do proxecto celebraranse diversos cursos en varios puntos da provincia.
Así, aos 4 que xa foron presentados en Pontevedra, sumarase o de Atención sociosanitaria a persoas
dependentes en institucions sociais que, cunha duración de 500 se impartirá
tamén en Ponteareas; e os que en novas fases se irán organizando noutros
puntos.
Requisitos dos alumnos
Para
participar nestes cursos son requisitos indispensables estar desempregado e cumprir
os requisitos de acceso que son, no caso dos cursos de atención sociosanitaria,
estar en posesión do título de Graduado en Educación Secundaria Obrigatoria ou
equivalentes e o nivel de lingua galega Celga 2 ou equivalentes; e para os
cursos de Docencia da formación para o
emprego e de Implantación e animación
de espazos comerciais ter o título de Bacharelato ou equivalente e o nivel
de lingua galega Celga 3 ou equivalente.
Todas as acción formativas son
presenciais e inclúen formación teórica e práctica, realizándose esta última
nun lugar de traballo.
Ao remate de cada curso, os
alumnos recibirán o correspondente certificado de profesionalidade en cada unha
das especialidades, tal e como se establece nun convenio entre a Deputación de
Pontevedra e a Consellería de Traballo e Benestar.
Ningún comentario:
Publicar un comentario