PONTEVEDRA

Lamenta que se amparen actitudes antidemocráticas que impiden o normal funcionamento das administracións

O PP provincial denuncia o “silencio cómplice” de PSOE e BNG ante os ataques que están a sufrir os gobernos populares

·       Incide en que esta formación seguirá plenamente comprometida desde todas as institucións coa defensa dos que realmente están atrapados polas preferentes

Pontevedra, 27 de febreiro de 2013.- O PP provincial de Pontevedra denuncia o silencio cómplice de PSOE e BNG ante a actitude violenta e totalmente antidemocrática de determinadas persoas disfrazadas de afectados de preferentes que están a tratar de impedir o normal funcionamento das administracións locais gobernadas polo Partido Popular e de coaccionar aos seus alcaldes.

Os populares pontevedreses lamentan que os mesmos que consentiron que se enganase a milleiros de galegos coa comercialización de preferentes estando no goberno e ao fronte dos órganos de control, estean agora a amparar actitudes antidemocráticas que impiden o normal funcionamento das administracións.

É inaceptable o claro intento de algúns de utilizar o drama que moitas persoas están a sufrir cun obxectivo de rendibilidade política e máis aínda cando se está a facer contra o único partido que está a defender realmente os intereses dos estafados.

Neste sentido, cómpre lembrar que os verdadeiros responsables desta situación non son outros que os directivos das entidades financeiras que enganaron aos seus clientes e as persoas que consentiron este engano desde o Goberno central e á fronte do Banco de España e da CNMW.

Non era o PP o que tiña estas responsabilidades cando se produciu a comercialización de preferentes, senón o PSOE, que agora pretende ocultar as súas responsabilidades.

Os populares recalcan que o primeiro que ten que dar explicacións é o PSOE, aclarándolle a todos os afectados por preferentes para onde estaban mirando cando desde diferentes entidades de toda España se estaba colocando este produto a persoas que non cumprían co perfil requirido.

Os populares inciden que en os verdadeiramente afectados por preferentes só teñen un aliado, que é o PP, que desde o mesmo instante en que xurdiu o problema se puxo a traballar para darlle unha solución. Foi esta actitude a que permitiu que máis de 13.000 persoas recuperasen xa o seu diñeiro pola vía da arbitraxe.

O PP provincial incide en que esta formación seguirá plenamente comprometida desde todas as institucións coa defensa dos que realmente están atrapados polas preferentes. De feito, cómpre recalcar que Galicia non é a única comunidade afectada pola venta de preferentes, senón que foron entidades de toda España as que comercializaron este produto. No entanto, se é a Comunidade que máis se implicou desde o primeiro momento na busca de solucións.

(R.)