COMUNICADO DOS ALCALDES POPULARES
Ante os acontecementos rexistrados na pasada noite no
concello do Porriño e a actitude de violencia crecente que algunhas persoas
están empregando contra os rexedores locais e os membros do PP, os alcaldes
populares da provincia de Pontevedra manifestan:
· A súa máxima solidariedade e apoio ás persoas afectadas polas preferentes e
o seu compromiso firme de defender os seus intereses onde sexa necesario, como
veñen facendo desde o minuto un;
· O máis profundo rexeitamento e condena expresa dos incidentes rexistrados
nalgúns concellos da provincia, así como os reiterados intentos, por parte
dalgunhas persoas de plataformas de afectados, de boicotear plenos e de impedir
o normal funcionamento das administracións locais.
o
Os rexedores locais
entendemos que esta actitude non axuda para nada a resolver o problema dos
afectados polas preferentes e, ademais, impide que se atendan as demandas e
necesidades dos veciños e veciñas de cada concello.
· Os rexedores lembramos que nin nós nin o PP creamos o problema nin o consentimos.
Os únicos responsables son os directivos das caixas que enganaron aos seus
clientes e os que permitiron este engano: o PSOE (co apoio do BNG) no goberno
central e como responsable dos órganos de control (Banco de España e CNMW).
· Comprometémonos a seguir traballando como ata o de agora para que todos
aqueles que aínda seguen atrapados polas preferentes poidan recuperar o que é
seu.
· Pero non aceptaremos ningún tipo de coacción ou acción violenta nin que se
trate de forzarnos a asinar documentos que están totalmente fóra da realidade.
· Seguiremos instando á Xunta de Galicia a que manteña a vía da arbitraxe, co
obxectivo de dar solución a todos e cada un dos afectados.
En Pontevedra, a 26 de febreiro de 2013
(R.)
Ningún comentario:
Publicar un comentario