A GUARDA

VERTEDOIRO INCONTROLADO

Grupo Municipal de Converxencia Galega / A Guarda

Nos arredores da antiga Escola de A Pasaxe, podemos atopar de todo tipo de material, restos de redes, cartóns, madeiras, caixas, e restos dalgunhas embarcacións que alí se atopa, según comentarios dos que por alí circulan, dende fai bastante tempo, sen que dende o Concello, especialmente por parte do Concelleiro liberado para controlar estas situacións se tome ningunha medida, namentras a situación de abandono de materiais diversos naquel lugar vai incrementando o séu volumen.

E incomprensible, que no afán recaudador do Concello se pretenda que algunhas empresas paguen por servicios que non reciben e logo non se manteña estes paraxes en condicións decentes.  

Por certo, as instalacións da escola que están cedidas en PRECARIO a unha asociación, que non fai moito tempo pregonaba que ían a arranxarlla e pintala con cartos e persoal municipal, presenta unhas condicións similares a área que a rodea, xa que as herbas entrando pola porta ou crecendo nas esquinas das ventanas, demostran que non está tendo ningún tipo de uso.

Vimos a esixirlle ao Concello que obrigue a asociación a que manteña as instalacións en estado decente, e senón que revirtan e se poidan por a disposición de calquer outra asociación que as precisas, pero que faga un bó uso das mesmas, e que non sigan deteriorándose como acontece nestes momentos.

Seguimos insistindo, que vale máis unha imaxe que mil palabras, e aquí presentamos outra situación máis en que a deixadez e abandono das súas responsabilidades por parte do Equipo de Goberno, está facendo que por un lado aparezca un vertedoiro incontrolado e polo outro, o mal uso dunhas instalacións municipais, postas nas máns dúns “amiguetes” sen que as mesmas non teñan ningunha utilidade colectiva….Así nos vai.

(R)