PONTEVEDRA

125 ALUMNOS DE OITO CENTROS ESCOLARES DE TUI, A GUARDA, VIGO, RIBADUMIA E PONTEVEDRA CONSTITÚEN COOPERATIVAS PARA ELABORAR E COMERCIALIZAR PRODUTOS DENTRO DO PROXECTO EDUCATIVO

Elaborarán produtos de artesanía, complementos, material decorativo, funcional e doutro tipo e destinarán parte das súas ganancias a Ong`s

Co obxectivo de difundir entre os xóvenes a cultura emprendedora, a Deputación Provincial, coa colaboración da Consellería de Educación e do Ministerio de Industria, puxeron en marcha un programa educativo experimental entre o alumnado de primaria de sete colexios da provincia.O programa, EME – COOPERANOVA, ten como finalidade contribuír á creación de cooperativas escolares, que mediante os principios de traballo en equipo, elaboren e comercien produtos.

Os 125 integrantes das oito cooperativas creadas nos CEIPs dos colexios de Tui, A Guarda (As Solanas), Vigo (Paraixal), Ribadumia (Julia Becerra Malvar) e Pontevedra (Príncipe Felipe) xa constituiron as súas cooperativas e hoxe participaron en Pontevedra no acto de posta en marcha da iniciativa que contou coa presenza do conselleiro de Educación e Cultura, Jesús Vázquez, o presidente da Deputación, Rafael Louzán, o director xeral de Educación, FP e Innovación, José Luis Mira Lema, e o delegado territorial da Xunta, Cores Tourís.

COMARCA	CONCELLO	CENTRO EDUCATIVO	Nº ALUMNADO PARTICIPANTE	NOME DA COOPERATIVA
O BAIXO MIÑO	TUI	CEIP Plurilingüe Nº 1	24 (6º primaria)	PEQUENOS EMPRENDEDORES
		CEIP Nº2	22 (6º primaria)	CARRO CHIMICHANGA
VIGO	VIGO	CEIP Paraixal	13 (5º primaria)	COOPERATIVA ALUMNOS PARAIXAL
		CEIP Paraixal	10 (6º primaria)	NEW HOME ARTS
BAIXO MIÑO	A GUARDA	CEIP As Solanas	16 (5º y 6º primaria)	SOLANAZO
O SALNÉS	RIBADUMIA	CPI Julia Becerra Malvar	13 (5º curso)	LITTLE PLANET
PONTEVEDRA	PONTEVEDRA	CEE Príncipe Felipe	12 (Educación Especial)	PONQUINCALLA
	PONTEVEDRA	CEIP PrincipeFelipe	15 (4º primaria)	RONSEL

Os presidentes das cooperativas escolares son os estudantes Paula García e Sofía Dagá (Tui), Lucia Bamba e Sara Barbosa (colexio Paraixal de Vigo), Raquel Vicente (A Guarda), Eloy Ferreiro (Julia Malvar de Ribadumia), KevinCaiño e Cristian Rubio (Príncipe Felipe).

Os alumnos celebraron asemblea constituinte, elixiron democraticamente os postos da xunta directiva, (presidente/a, secretario/a e tesoreiro/a), e organizaron os demais membros por distintos departamentos (mercadotecnia, calidade do produto, imaxe da cooperativa, relacións públicas…etc), tal e como estaba previsto no cronograma do proxecto.

Os alumnos participantes no proxecto, aportaron o capital inicial e incorporaron nos seus estatutos a cláusula de responsabilidade social onde indican, que parte dos seu beneficios iran destinados a unha organización con fins sociais.

Na maior parte dos casos, as cooperativas creadas nos colexios producirán artigos de artesanía, complementos, material decorativo e funcional, etc. que elaborarán en talleres nos centros escolares e que comercializarán perante o mes de maio en distintos puntos das respectivas comarcas.

Para facer un seguimento pormenorizado do proxecto “Emprender en mi escuela - EMECOOPERANOVApódese consultar a seguinte dirección electrónica http://emecooperanova.wordpress.com/2012/02/27/noticia/