PONTEVEDRA

TRES COOPERATIVAS AGRARIAS DO ROSAL E DE AS NEVES INTEGRADAS POR 112 ASOCIADOS RECIBEN 24.049 EUROS DA DEPUTACIÓN PARA A MELLORA DAS SÚAS INSTALACIÓNS
En toda a provincia a entidade destinará 200.000 euros en investimentos produtivos de 16 cooperativas que agrupan a 3.101 familias gandeiras

A Xunta de Goberno da Deputación aprobou hoxe a concesión de 200.000 euros en investimentos produtivos de 16 cooperativas que agrupan a 3.101 familias gandeiras da provincia de Pontevedra. Estas colaboracións económicas van dirixidas a cooperativas, sociedades agrarias de transformación ou organizacións de produtores agrogandeiros.
De forma pormenorizada, na comarca do Deza serán 10 as cooperativas beneficiarias das axudas que recibirán 134.173 euros. Estas cooperativas están integradas por 2.578 familias asociadas.
Na comarca de Tabeirós-Terra de Montes, serán 3 as cooperativas que agrupan a un total de 411 familias. Estas recibirán colaboración por importe de 41.771 euros.
En O Rosal, 2 cooperativas con 82 socios percibirán 12.657 euros; e finalmente, en as Neves, 1 cooperativa, 30 asociados, recibirá 11.392 euros.
As axudas aprobadas destinaranse á posta en marcha de obras civís (mellora e construción de infraestruturas); dotación de maquinaria, mobiliario e equipos informáticos; medidas de aforro enerxético; adquisición de parcelas, tractores, remolques, enrolladoras; melloras en fábricas (producción, instalacións de gasóleo ou de corentena); ou para comercialización de produtos.

Cooperativa Gandeira de Dozón……………………….………..3.797 euros
· Para compra de maquinaria agrícola (25 socios)
Gandeiros Estradenses (A Estrada)………….…………………8.860 euros
· Arranxo de tenda, dotación de mobiliario e instalación de punto de bombeo de gasóleo (214 socios)
Cooperativa Agrícola de Forcarei………………..……………..18.987 euros
· Compra de parcela, acondicionamento de muro de peche e compra de maquinaria agrícola (134 socios)
Servipor, Cooperativa Galega de Forcarei…………….……..13.924 euros
· Construcción de instalacións de corentena (63 socios)
Aprodeza (Lalín)……………………………………………………..20.253 euros
· Acondicionamento e mellora de instalación (140 socios)
Campodeza (Lalín)…………………………………………………..17.721 euros
· Compra de tractor (130 socios)
Cobideza (Lalín)……………………………………………………….13.924 euros
· Compra de remolque, leñadora, equipos informáticos e enrolladora de plástico (175 socios)
Cooperativa Gandeira de Botos (Lalín)……………………...11.391 euros
· Compra de maquinaria agrícola e mobiliario (74 socios)
Gandeiros do Deza (Lalín)……………………………………….12.658 euros
· Compra de remolque esparcidor (90 socios)
Xuncoga, cooperativa de 2º Grado (Lalín)…………………13.924 euros
· Mellora e reformas das instalacións da fábrica (1.200 socios)
Cooperativa do Condado-Paradanta (As Neves)……….11.392 euros
· Equipamento, instalación de envasado de mel, maquinaria e material de oficiña (30 socios)
Cooperativa O Rodo (Rodeiro)………………………………..11.392 euros
· Compra de maquinaria e equipos informáticos (352 socios)
Cooperativa Agraria Porta do Río Miño (O Rosal)…….8.860 euros
· Melloras nas instalación (43 socios)
Cooperativa Porta do Pilar (O Rosal)………………………..3.797 euros
· Melloras nas instalación (39 socios)
Cumadeza (Silleda)………………………………………………….8.860 euros
· Adquisición de camión cisterna (39 socios)
Indega, Cooperativa Galega (Silleda)………………………..20.253 euros
· Compra maquinaria e canalización da producción (353 socios)