A DEPUTACIÓN INICIA HOXE AS OBRAS DE ACONDICIONAMENTO DA PRAZA PÚBLICA DE SAN PEDRO (NIGRÁN) CUN INVESTIMENTO DE 116.090,57 EUROS
Mellorarase a calidade ambiental deste espazo a través do soterramento de liñas aéreas, novo pavimentado e colocación de mobiliario urbano
A Deputación Provincial inicia hoxe os traballos de execución da obra de acondicionamento da praza pública de San Pedro no municipio de Nigrán. Os traballos fóronlle adxudicados á empresa Faro por un importe de 116.090,57 euros.
A finalidade deste proxecto, que se executa con cargo ó Plan de Investimentos da Deputación, consistirá na mellora da calidade ambiental da zona que constitúe un espazo clave e singular do municipio. Neste lugar desenvólvense todo tipo de actividades como festas populares, etc.
Así, as actuacións consistirán na explanación e nivelación do terreo, na pavimentación de formigón, recollida de augas pluviais, rede de distribución eléctrica, eliminación de tendidos aéreos, e amoblamento urbano.
No municipio de Nigrán a Deputación está a executar sete obras no período cunha inversión de 1.101.603 euros do Plan de Investimentos.
Ningún comentario:
Publicar un comentario