A GUARDA

REUNIÓN ENTRE ÁBACO E O DIRECTOR XERAL DE PROMOCIÓN DE EMPREGO DA CONSELLERÍA DE TRABALLO E BENESTAR

Ábaco / A Guarda

Seguindo a axenda que a Asociación Ábaco ten marcada para facer visitas institucionais, a pasada semana tivo lugar en Santiago de Compostela unha reunión entre algúns directivos de Ábaco e o Director Xeral de Promoción do Emprego, Andrés Hermida Trastoy, na cal o Sr. Hermida amosaba curiosidade por coñecer esta Asociación de tan corta creación e impresionado por todas as actividades, revistas, campañas realizadas en tan pouco tempo.

Ademáis houbo temas moi interesantes a tratar como, a incorporación e continuidade de persoal parado ao mundo laboral, diferentes tipos de liñas de axudas para o vindeiro ano, entre outros.

Para rematar, o Presidente de Ábaco, Ángel Luis Baz Vicente non quixo desaproveitar a oportunidade para convidar ao Director Xeral a visitar A Guarda ao que este mostrouse encantado en vir, sempre e cando ambas axendas o permitan.