A imaxe - tomada na Pasaxe (Camposancos) por Mª Elena Cividanes Álvarez reflicte un craro exemplo do que non se debera tolerar: abandono, lixo, ...
Infogauda / Camposancos
Tódolas persoas que se acheguen as docas existentes na Pasaxe (Camposancos) poden comprobar como preto do lugar onde houbo até fai pouco un depósito de area, quedaron as pegadas do valado metálico circundante, do rótulo da obra - limpeza da canle de navegación do ferri-boat Caminha - A Guarda -, plásticos e outros refugallos. A fotografía da autoría de Mª Elena Cividanes Álvarez, tomada o pasado día 4 deste mes de marzo, é espallada nesta bitácora, é bén ilustrativa do abandono que tanto o Concelleiro de Medio Ambente como o própio alcalde de A Guarda e mesmo o presidente da Entidade Local Menor de Camposancos, poñen de manifesto coa súas respectivas inaccións.
¿A qué agardan para da-las instruccións pertinentes e que o personal que corresponda proceda a retirar eses "materiais" e deixar o lugar en perfecto estado de revista?
¿Ou é que pretenden que os visitantes que se dignen achegarse até A Guarda na vindeira Semana Santa poidan "apreciar" eses exemplos de "boa xestión municipal"?
Ningún comentario:
Publicar un comentario