20 de nov. de 2026

DEPORTES

A SANGRIÑA REXURDE NUN DUELO DIRECTO POLA PERMANENCIA, CON HOMENAXE A JUAN MARÍA 

•  O Estadio Municipal de A Sangriña acollerá este domingo 22 de novembro, a partir das 16:30 horas, un enfrontamento vital correspondente á xornada 12 da Primeira Futgal (Grupo 6) que medirá ao Sporting Guardés fronte ao C.C.D. Chaín




Ricardo Rodríguez Vicente/A Guarda

 Máís alá do estritamente deportivo, o encontro estará marcado pola emoción e o recordo, xa que a xornada servirá de sentida homenaxe "En memoria de Juan María, D.E.P.", tal e como destaca o cartel oficial do partido. 

Duelo de necesidades na zona baixa 

 Ambos conxuntos chegan a esta cita con urxencias clasificatorias e separados por moi pouca marxe na táboa, o que converte os tres puntos en xogo nun auténtico botín de cara á loita pola salvación:

 • Sporting Guardés: O cadro local ocupa actualmente a 18.ª posición (pechacancelas da categoría). Os guardeses precisan facerse fortes ao abeiro da súa afección na Sangriña para sumar unha vitoria que lles permita recortar distancias cos seus predecesores, rachar a dinámica negativa e dar un paso adiante na táboa. 

• C.C.D. Chaín: O conxunto visitante chega á Guarda situado no 14.º posto, marcando a fronteira da zona perigosa. Un triunfo a domicilio daríalles un importante balón de osíxeno para afastarse dos postos de descenso e afianzarse na zona media-baixa. 

O factor A Sangriña 

 Con todo por decidir e sabendo da importancia de sumar ante un rival directo, o Sporting Guardés fai un chamamento á súa afección para que acuda este domingo ás 16:30 h a arroupar ao equipo nunha tarde de fútbol, sentimento e loita polo escudo.

Ningún comentario:

Publicar un comentario