A GUARDA

O Corpus Christi deste ano 2026 xa conta cun bonito cartel 

• Da autoría de Iria Lorenzo Piñeiro, alumna de 4º de primaria no CEIP As Solanas

Infogauda/A Guarda

 No día de hoxe, a Asociación Cultural Alfombras da Guarda vén de facer público que "o pasado día 21 de abril elixiuse o cartel que representará ó Corpus Christi 2026 co lema "A miña alfombra imaxinaria", entre os escolares de 4º, 5º e 6º de primaria de A Guarda".

 A autora do cartel gañador das Alfombras Florais 2026 é Iria Lorenzo Piñeiro, alumna de 4º de primaria no CEIP As Solanas; e as finalistas foron Amelia Villa Arzúa e Martina Baz Lomba, alumnas de 5º e 4º de primaria, respectivamente, do colexio PP. Somascos.

 Desde a Asociación Cultural Alfombras da Guarda dánlles os parabens ás tres, e reiteran o gran traballo de todos os participantes. 

 Os centros participantes foron: PP. Somascos, Carmelitas, Solanas e Sinde.

 "Agradecemos ós coles participantes a súa implicación para con esta tradición da nosa vila". 

 Tamén agradecen ó xurado que seleccionou os traballos dos mais cativos: Mili Baz Vicente, ex presidenta da Asociación Cultural Alfombras da Guarda; Emilio Baz Pacheco, fotógrafo guardés; e Patricia Cuña Delgado, técnica da Oficina Municipal de Información Xuvenil (OMIX) do Concello da Guarda.  

 Comenza xa unha tradición que une a cidadanía da vila nunha das actividades mais bonitas e apreciadas de A Guarda.