Cruz Vermella en Baixo Miño fará unha recollida de lixo pola praia de Camposancos o 6 de xuño
• A saída será ao 16.45 h. da Asemblea de Cruz Vermella en Baixo Miño
• Esta actividade é unha colaboración con LIBERA, un proxecto de SEO/Birdlife en alianza con Ecoembes
A alianza entre Cruz Vermella e LIBERA segue traballando para evitar a deterioración medioambiental e impulsar as boas prácticas para coidar e preservar a natureza. A través do proxecto LIBERA (de SEO/BirdLife en alianza con Ecoembes), Cruz Roja en Baixo Miño organizará unha recollida de lixo pola praia de camposancos, desembocadura do Rio Miño este 6 de xuño. A saída será ás 16.45 horas diante da Asemblea de Cruz Roja en Baixo Miño (rúa Baiona 1, 36780 A Guarda). O percorrido terminará sobre ás 19.30 horas. Así, trátase de loitar contra un problema que non só é estético, senón que xera graves problemas ambientais.
Desde hai anos, Cruz Roja e o Proxecto LIBERA levan a cabo este programa para cuantificar e clasificar os residuos presentes nas praias, ríos, montes e mares, co fin de evitar a súa deterioración, a través das campañas e mostraxes de “1m2 contra a basuraleza” que se realizan varias veces ao ano en todo o país. Os resultados que guinda o informe non deixan lugar a dúbidas: requírense accións enfocadas a minimizar a basuraleza medioambiental a través de medidas lexislativas, así como en programas de educación e concienciación ambiental, que dean a coñecer de que xeito poden afectar os residuos tanto á contorna natural como á propia saúde das persoas.
Cruz Vermella ten o compromiso de reverter este problema mediante a realización de talleres relacionados coa diminución do consumo de produtos e trata de aumentar a conciencia sobre o impacto que produce o lixo na contorna natural ao longo de todo o ano. A organización traballa con diferentes colectivos, facendo especial fincapé no traballo con colectivos en situación ou risco de vulnerabilidade, posto que son os que padecen con maior intensidade os efectos da degradación da contorna natural.
Sobre LIBERA
‘LIBERA’ é un proxecto creado por SEO/BirdLife en alianza con Ecoembes. O seu obxectivo é concienciar e mobilizar á cidadanía para manter os espazos naturais libres de basuraleza.
Para iso, LIBERA expón solucións ao redor dos eixos de coñecemento, prevención e participación para minimizar o seu impacto ambiental. Con estas accións traballa para contribuír á consecución dos ODS 4, 13, 14, 15 e 17.
Desde a súa posta en marcha, LIBERA mobilizou máis de 130.000 voluntarios, e colaborado con preto de 2.000 organizacións e colectivos, entre eles, o CSIC, a Fundación Raíña Sofía, a DXT, Paisaxe Limpa ou Vertidos Cero, converténdose nun proxecto pioneiro que busca sensibilizar a todos os públicos. Ademais, a través das aplicacións eLitter, MARNOBA e BASURALEZA, os voluntarios/as recolleron e caracterizaron máis de 670.000 obxectos de máis de 5.000 puntos de todo o territorio nacional, que se integraron na base de datos do MITECO.
Máis información en www.proyectolibera.org
Ningún comentario:
Publicar un comentario