PIRAGÜISMO
CINCO MEDALLAS PARA OS TEIXUGOS NA COPA DAVID CASTRO DE PROMOCIÓN
.jpeg)
Informa (fotos e redacción): Rosa Fernández Carrera
Este domingo celebrouse a Copa David Castro de Promoción de Slálom nas augas do río Cereixo. Esta copa, coa que se rende homenaxe ao primeiro referente das augas bravas en Tomiño, David Castro, celébrase nunha paraxe espectacular coñecida como “o río da Pedra”. Os máis pequenos de toda Galicia acudiron ao evento para gozar dunha xornada de deporte, alegría e convivencia. Neste tipo de competicións de promoción hai dúas baixadas, das que conta a mellor.
O Club Deportivo Miño-Teixugos, organizador desta Copa, levou un pequeno equipo de 6 deportistas.
En categoría infantil, Rita Olveira, estivo impresionante ao conseguira vitoria tanto en C1 como en K1, acadando dúas medallas de ouro.
.jpeg)
En categoría infantil masculina, Lois Montenegro, conseguiu a medalla de bronce en K1, tamén participou en canoa onde rematou sétimo. Martín Vicente foi sétimo en K1.
.jpeg)
En alevín masculino, Roque Olveira dominou na categoría ao facerse coa medalla de ouro tanto en caiac como en canoa. O seu compañeiro Brais Vicente rematou quinto.
.jpeg)
Na categoría benxamín, Iria Álvarez, conseguiu outro ouro para o club en K1.
Na clasificación final por equipos o Club Deportivo Miño-Teixugos, rematou cuarto.
Ningún comentario:
Publicar un comentario