OIA

O Concello de Oia contratará 7 persoas ao abeiro do Plan +Provincia 2026 da Deputación

Casa do Concello de Oia

Foto: HombreDHojalata

  

Infogauda / Oia

 O Concello de Oia contratará un total de 7 persoas ao abeiro do Plan +Provincia 2026 da Deputación de Pontevedra (liña 3, de activación do emprego). Os perfís que se solicitan son de condutor de maquinaria forestal (1 praza), albanel (2 prazas) e peón forestal (4 prazas), e en todos os casos se trata de contratos a xornada completa.  

 Poderán beneficiarse desta iniciativa as persoas desempregadas inscritas na oficina de Emprego de Baiona, que fará a preselección de candidaturas. Posteriormente, o Concello encargarase da selección definitiva.  

 No seguinte cadro resúmese o número de prazas para cada posto, o perfil solicitado (xunto co código correspondente no que as persoas interesadas deberán inscribirse na oficina de emprego) e máis a duración de cada contrato:

PRAZAS	PERFIL/OCUPACIÓN	PERÍODO CONTRATO
1	Condutor/Operador de maquinaria forestal (CNO. 83221013)	De marzo a decembro (10 meses)
2	Albaneis (CNO. 71211015)	De marzo a setembro (7 meses)
4	Peón Forestal (CNO. 95431028)	De marzo a outubro (8 meses)