DEPORTES

ATLETISMO

ÁLEX E CHRISTIAN SIERPES PEREIRA, CONVOCADOS PARA O CAMPIONATO DE EUROPA DE CLUBS DE CAMPO A TRAVÉS

Álex Sierpes Pereira - á der. - e Christian Sierpes Pereira

Foto: Ricardo Ribas

Redacción Deportes / A Guarda

 Os irmáns Sierpes afrontarán esta fin de semana unha das citas máis importantes do calendario internacional ao participar no Campionato de Europa de Clubs de campo a través, representando ao equipo de elite Vicky Foods Athletics. 

 A localidade portuguesa de Albufeira acollerá a European Champion Clubs Cup Cros Country, competición que reunirá aos mellores clubs do continente e permitirá gozar da elite do cros europeo nunha xornada de máximo nivel. O evento está organizado pola Associaçâo de Atletismo Albufeirense e conta co respaldo da Federaçâo Portuguesa de Atletismo e de European Athletics. 

 Os atletas guardeses Álex Sierpes Pereira e Christian Sierpes Pereira, formados na Sociedade Atlética do Trega (Tomiño) e actualmente vinculados ao grupo de adestramento dese club baixomiñoto, competirán na categoría sub20 masculina xunto a  Kuma Samuel Barrios e Soufien Isma Sbaiti. O equipo, actual subcampión de España tras a súa actuación en Atapuerca, tentará revalidar o subcampionato de Europa conseguido a pasada tempada no mesmo enclave, onde deberán completar tres voltas ao circuíto B ata alcanzar unha distancia total de 5.620 metros. 

 Moita sorte ao conxunto sub20 e parabén aos irmáns Sierpes pola súa convocatoria co equipo valisoletano de Isaac Viciosa.