DEPORTES

FÚTBOL 

1ª Autonómica Grupo 6

O Sporting Guardés recibirá a U.D. Mos

•  Este domingo, 11 de xaneiro, ás 16:30 horas, no Campo Municipal da Sangriña

Ricardo Rodríguez Vicente / A Guarda

 Logo do revés recibido o pasado domingo, día 4 deste mes, no encontro - a partido único - correspondente a Copa Deputación de Pontevedra, no que o Sporting Guardés foi derrotado (1-2) polo Tomiño F.C.; o equipo que adestra Antonio Rodríguez (Toñete) prepárase para recibir a U.D. Mos, no partido correspondente a xornada 17, da liga 1ª Autonómica - Grupo 6.

 Será este domingo, 11 de xaneiro, ás 16:30 horas, no Campo Municipal A Sangriña.

  O conxunto visitante atópase a día de hoxe, situado no posto 8º da táboa clasificatoria, con 23 puntos. Ata este momento a U.D. Mos logrou 6 vitorias e igual número de empates, e coñeceu a derrota en 5 ocasións.

 Pola súa banda o equipo de A Guarda, situado no posto 5º da táboa, con 32 puntos, logrou alzarse co vitoria en 10 ocasións; empatou en 2, e sufriu a derrota en 4 partidos.

 De entrada o Sporting Guardés posúe mellores datos que o seu rival. Con todo, non hai favoritos. Para mostra, o resultado do pasado domingo ao que antes fixemos mención. O encontro hai que disputalo desde o primeiro ata o derradeiro minuto.

 Desde este xornal dixital transfronteirizo exhortamos aos seareiros do Sporting Guardés a que acudan ao campo da Sangriña para animar ao equipo.

Calendario de encontros dos diferentes equipos do Sporting Guardés, para esta fin de semana