GALICIA

Os días 19, 20, 21 e 22 de decembro 

Renfe programa 12 servizos por estrada para garantir a mobilidade dos viaxeiros durante as obras de Adif entre Salvaterra e As Neves 

• Os traballos na infraestrutura afectan aos Rexionais Vigo Guixar-Ponferrada e Ourense-Vigo Guixar, así como ao Alvia que conecta Vigo Guixar-Barcelona, en ambos os sentidos 

Infogauda / Santiago de Compostela

 Renfe habilitará entre o 19 e o 22 de decembro un plan de alternativo de transporte por estrada para garantir a mobilidade dos seus clientes durante as obras que Adif vai realizar entre Salvaterra e As Neves. 

 Adif executará durante este corte actuacións necesarias para a entrada en servizo do novo apartadero ferroviario de PLISAN (Plataforma Loxística Industrial de Salvaterra – As Neves). Entre os traballos previstos atópanse a conexión entre a liña Ourense-Vigo e a nova vía cara ao apartadoiro, así como a adecuación das instalacións de electrificación (catenaria), sinalización e seguridade. 

 As actuacións son incompatibles coa circulación de trens polo que, mentres duren os traballos, Renfe prestará o seu servizo mediante un plan alternativo por estrada: 

Rex 12623 Ourense-Vigo Guixar, con saída ás 10:05h, realiza por estrada o traxecto entre Arbo e Vigo Guixar os días 20 e 21 

Rex 12608 Vigo Guixar-Ponferrada, con saída ás 14:07h, realiza por estrada o traxecto entre Vigo Guixar e Arbo os días 20 e 21 

Rex 12477 Ourense-Vigo Guixar, con saída ás 21:20h, realiza por estrada o traxecto entre Ourense e Vigo Guixar o día 20 

Rex 12474 Vigo Guixar-Ourense, con saída ás 7:43h, realiza por estrada o traxecto entre Vigo Guixar e Ourense o día 21 

Alvia 621 Vigo Guixar-Barcelona con saída ás 7:48h, os días 20 e 22: Modifica a súa orixe á estación de Vigo Urzaiz e a parada de Redondela á estación de Redondela A.V. Viaxeiros con orixe/destino Guillarei e O Porriño efectuarán transbordo por estrada. 

MD 37621 Vigo Guixar-León, con saída ás 7:48h, os días 20 e 22: Modifica a súa orixe á estación de Vigo Urzaiz e a parada de Redondela á estación de Redondela A.V. Viaxeiros con orixe/destino Guillarei e O Porriño efectuarán transbordo por estrada. 

Alvia 622 Barcelona-Vigo Guixar, con saída ás 9:05h, os días 19 e 21: Modifica o seu destino á estación de Vigo Urzaiz e a parada de Redondela á estación de Redondela A.V. Viaxeiros con orixe/destino Guillarei e O Porriño efectuarán transbordo por estrada. 

MD 37722 León-Vigo Guixar, con saída ás 16:59h, os días 19 e 21: Modifica o seu destino á estación de Vigo Urzaiz e a parada de Redondela á estación de Redondela A.V. Viaxeiros con orixe/destino Guillarei e O Porriño efectuarán transbordo por estrada. 

 Os billetes e toda a información están dispoñibles nas canles habituais de Renfe: despachos de billetes, máquinas autoventa, App Renfe, no teléfono 912 320 320 e en www.renfe.com