A GUARDA

A VECIÑANZA E O BNG ACADAN O COMPROMISO DO ALCALDE PARA O INICIO DA URBANIZACIÓN DA RÚA BAIXO MURO  

Anxo Baz (BNG): “A perseveranza e unidade veciñal fixo posíbel  que esta vella reivindicación vaia camiño de materializarse nun breve período de tempo”  

Representantes do BNG de A Guarda con persoas veciñas da rúa Baixo Muro

BNG / A Guarda

 Na reunión celebrada no día de onte entre unha representación da veciñanza da rúa Baixo Muro e o BNG co alcalde da Guarda e o concelleiro de obras, acadouse o compromiso  por parte destes, de licitar a urbanización da rúa Baixo Muro a principios de 2026.   

 A comisión veciñal trasladou tamén aos responsábeis municipais a necesidade de  modificar ou ampliar aspectos do   proxecto como que a nova pavimentación se prolongue ata o cruce coas escaleiras da rúa Colón; que se poña un redutor de presión na traída de augas para  impedir  a rotura continuada das tubaxes de auga no cruce das escaleiras coa rúa Baixo Muro;  que en toda a obra nova se proceda a separación de fecais e pluviais; que se  canalice con aproveitamento, se tecnicamente é posíbel, as augas do pozo que verte na rúa do Tio Binito ou a modificación de pequenos detalles no mobiliario urbano previsto.  

 O portavoz municipal do BNG, Anxo Baz,  felicitou a unidade veciñal que está facendo posíbel que esta vella reivindicación vaia camiño de materializarse nun breve período de tempo e anunciou que seguirán vixiantes para que a obra incorpore todos as demandas da veciñanza.