A GUARDA

A BANDEIRA DA PALESTINA AO VENTO NO TREGA, NOVAMENTE 

A bandeira de Palestina foi colocada novamente no mastro do monte Trega, polo Colectivo en Solidariedade coa Palestina do Baixo Miño

Colectivo en Solidariedade coa Palestina do Baixo Miño

 Tal e como foi anunciado na multitudinaria concentración en solidariedade coa Palestina do pasado luns, que tivo lugar na praza de Avelino Vicente, da Guarda, a bandeira de Palestina foi colocada novamente o martes no mastro do monte Trega, polo Colectivo en Solidariedade coa Palestina do Baixo Miño. 

 Desde o Colectivo, mostramos profundo agradecemento á Comunidade de Montes Veciñais en Man Común da Guarda, por autorizaren esta nova colocación da bandeira, nun xesto que engrandece a vila da Guarda e a propia Comunidade. 

 Este episodio situou a Guarda entre as localidades nidiamente posicionadas contra o xenocidio e contra o sionismo, pese á visceral reacción do goberno municipal, que nun primeiro momento decidiu retirar a bandeira. 

 Porque a nosa solidariedade é imparábel e a nosa voz, que parte do máis fundo da humanidade, non se pode calar. Palestina resiste e Palestina vencerá!