A GUARDA

A licitación da obra de reforma da piscina climatizada municipal vai ao pleno

• Nunha sesión extraordinaria urxente, que se celebrará o vindeiro martes, 10 de xuño de 2025, ás 8:30 na Casa do Concello

Vista do interior da piscina climatizada municipal de A Guarda

Foto: Cedida

Infogauda / A Guarda

 O alcalde de A Guarda, Roberto José Álvarez Carrero, vén de convocar sesión plenaria extraordinaria urxente, que se celebrará o vindeiro martes, día 10 de xuño, ás 8:30 horas, na Casa do Concello.

 Os asuntos da convocatoria, son os seguintes: 

1. XUSTIFICACIÓN DA URXENCIA. 

2. Expediente 1359/2025. PROPOSTA ALCALDÍA APROBACIÓN EXPEDIENTE LICITACIÓN OBRA REFORMA PISCINA. 

XUSTIFICACIÓN URXENCIA CELEBRACIÓN PLENO 

 Tendo en conta a necesidade de aprobar o expediente e pregos da licitación da obra de “REFORMA Y REHABILITACIÓN ENERGÉTICA DE LA PISCINA MUNICIPAL DEL CONCELLO DE A GUARDA”, con carácter urxente. 

 Dada a data de xustificación da subvención concedida para a realización da citada obra (AYUDAS DEL PIREP-LOCAL, DEL PLAN DE RECUPERACIÓN, TRANSFORMACIÓN Y RESILIENCIA FINANCIADO POR LA UNIÓN EUROPEA NEXT GENERATION-EU) e a necesidade de que a tramitación se leve a cabo coa maior celeridade posible para dar cumprimento a tales prazos de execución e xustificación. 

 Por todas as razóns anteditas, e dadas as datas nas que nos atopamos se considera xustificada a celebración de Pleno Extraordinario Urxente o próximo día 10 de xuño de 2025, a fin de someter a aprobación o acordo citado á maior brevidade posible. 

O Alcalde 

Roberto José Álvarez Carrero