A GUARDA

O Concello de A Guarda recorda que os restos vexetais deben levarse ao Punto Limpo   

Infogauda / A Guarda

 Coa chegada da primavera, moitos veciños e veciñas preparan as súas fincas e xardíns para a época máis solleira e de bo tempo.  

 Por iso, xéranse residuos vexetais da limpeza de xardíns e fincas, como céspede. Desde o Concdello de A Guarda, relembran que estes residuos, así como os de explotacións agrícolas, deben levarse ao Punto Verde (ao lado do Punto Limpo). Pódese facer de luns a venres de 8:00 a 14:30h e os sábados de 8:00 a 13:00h.   

 Os restos de madeira recóllense no Punto Verde todos os martes. Deste xeito, facilítase o mellor tratamento dos residuos.   

 O Concello de A Guarda recorda que non se poden botar restos de poda nos contedores, nin deixar bolsas de lixo fóra dos contedores. Esta acción pode supor unha multa económica para o responsable.