O ROSAL

NACE NO ROSAL O 'TROFEO NAHOMAR' DE FUTBOLÍN

• Con máis de 500 € en premios

De esq. á der.: Dani, Marcos e Marquiños, na presentación do Trofeo Nahomar

José Ramón Martínez Barbosa / O Rosal

"A Sede", o local oficial da web deportiva nacional Planeta Futbolín, fundada por Editorial Tamuxe e situada desde 2023 no Rosal (Pontevedra), acollerá o sábado 22 de marzo o II Torneo por parellas deste xogo tradicional, con máis de 500 € en premios.

A primeira edición, que foi organizada polo laureado xogador Diego Barciela, campión Elite de España e do Máster de Rábade, entre outros títulos, tivo como vencedores absolutos ao equipo formado por Sergio 'Trinta' (O Rosal) e Brian 'Novo' (Mos), que xa confirmaron novamente a súa participación.

A empresa baixomiñota Nahomar Electrodomésticos, constituída en 2002 e colaboradora de clubs como o Atlético Novás (balonmán), Sporting Guardés ou a U.D. Ribera (fútbol), aposta agora polo futbolín coa instauración do Trofeo NAHOMAR.

O fútbol de mesa "volveu" ao Baixo Miño e todo indica que o fai para quedar definitivamente. Proba diso é, por exemplo, a sobresaliente actuación de equipos do Rosal e A Guarda, no Campionato Nacional ou na liga Nacional de Futbolín (LNF) así como a presenza confirmada de xogadores e xogadoras de toda Galicia neste Trofeo NAHOMAR.

Detalles do II Torneo de Futbolín A Sede - Trofeo NAHOMAR

Data: Sábado 22 de marzo de 2025

Hora de inicio: 16:00 h

Lugar: Bar A Sede - Planetafutbolin.com

Inscrición: 10 € por xogador (20 € a parella)

Data límite de inscrición: 22 de marzo de 2025 (15:59 horas).

Formato: Competición de futbolín profesional (Presas EVO), modalidade parado.

Más información e inscricións: info@planetafutbolin.com // Teléfono: 637 311 007 (Juan Ramón Tamuxe).