Balonmán
División de Honra Feminina
O Mecalia Atlético Guardés aposta pola continuidade coas renovacións de María Sancha e Ania Ramos
• Ambas son amigas e veciñas da mesma comarca de Palencia
Redacción Deportes / A Guarda
Ania Ramos e María Sancha únense ás renovacións do Mecalia Atlético Guardés para o próximo ano. Ramos xogará a súa terceira tempada no equipo da Sangriña, desde que chegou procedente da División de Honra Ouro no 2023.
María Sancha asegura a súa quinta tempada vestindo a camiseta branquivermella. María declarou sentirse como na casa no equipo de A Guarda, onde ademais comparte persoal con Ania Ramos. Ambas son amigas e veciñas da mesma comarca de Palencia, e foron compañeiras desde os seus comezos no deporte ,en varios clubs deportivos castelánleoneses.
O Mecalia Atlética Guardés asegúrase o mantemento dunha das súas duplas máis eficaces, querendo actuar ademais como fogar deportivo en que xogadoras mozas poidan seguir desenvolvendo o seu potencial ao longo do tempo.
Ania Ramos, extremo esquerdo, achega mocidade, velocidade e garra ao persoal do Mecalia Atlético Guardés, que escolleu hai dúas tempadas como primeiro destino na categoría elite do balonmán feminino español. No que vai de tempada acumula un total de 25 goles, a pesar de perderse os últimos partidos pola rotura de dous dedos na palma da man esquerda, e é unha das pezas imprescindibles á hora de despregar o ataque guardés. Sen dúbida, a palentina xogou un papel fundamental no extraordinario desempeño do equipo este curso.
.jpg)
Ningún comentario:
Publicar un comentario