TUI

Música para celebrar o 13º aniversario da Eurocidade Tui-Valença 

•  Será o próximo sábado, 15 de febreiro, ás 21 h, no Teatro Municipal de Tui 

Infogauda / Tui 

 A Eurocidade Tui-Valença vai conmemorar o seu 13º aniversario cun evento musical que reunirá a catro formacións de ambos lados do Miño. O evento terá lugar o sábado 15 de febreiro, ás 21 h, no Teatro Municipal de Tui. A entrada será de balde ata completar aforo.  

 Este  concerto correrá a cargo da Banda de Música Popular de Tui, a Associaçâo Musical de São Pedro da Torre, Old Bridge Band e o Conservatorio de Música Profesional de Tui. Estas catro agrupacións, integradas por músicos tanto tudenses coma valencianos tenderán novas pontes musicais para celebrar este aniversario da constitución da Eurocidade Tui-Valença.  

 Esta iniciativa reafirma o compromiso da Eurocidade Tui-Valença por seguir fortalecendo os lazos históricos, culturais e sociais entre ambas cidades, neste caso a través da música.