TOMIÑO

O Centro de Día Vontade conmemora o Día Internacional das Persoas con Discapacidade cunha mostra fotográfica 

•  A inauguración, con visita guiada, será este martes, a partir das 11.30 horas,  no Mercado Municipal de Tomiño

Infogauda / Tomiño

 Con motivo do día Internacional das Persoas con Discapacidade, que se celebra este mércores, 3 de decembro, as persoas do Centro de Día Vontade inauguran a exposición fotográfica “20 ANOS DE VONTADE”.  

 A inauguración, con visita guiada, será este martes, 3 de decembro, ás 11.30 horas no Mercado Municipal de Tomiño.  

 A mostra fai un percorrido polos 20 anos de historia do centro. Toda a estructura que dá soporte a esta exposición, como marcos de paneis, creación e decoración dos cubos, e a selección das fotografías, foi realizada durante meses polas persoas usuarias.  

 Vontade, con sede en Tomiño, atende a persoas con discapacidade de toda a comarca. A directiva convida á toda a veciñanza da zona a coñecer en fotos a evolución do centro durante os seus 20 anos de existencia.