A GUARDA

A SAN SILVESTRE GUARDESA REUNÍU A UNHAS 200 PERSOAS

Os participantes na carreira San Silvestre Guardesa, nos momentos previos a saída no paseo marítimo de A Guarda

Foto: C.A.G.

Infogauda / A Guarda

 A carreira San Silvestre - evento deportivo organizado polo Concello de A Guarda coa colaboración da Sociedade Atlética do Trega -, arrancou na mañá deste último domingo de 2024, en ambiente festivo e familiar. O porto de A Guarda acolleu a saída e a meta da carreira popular en homenaxe a Daniel González Adrover (Dani), coa asociación Un sorriso que ilumine o mundo.  

 Participaron case 150 corredores e unhas 50 persoas na andaina, entre pequenos, grandes e mesmo participantes de catro patas ou sobre rodas. Todos desfrutaron dunha mañá de deporte cunhas vistas únicas e nun entorno privilexiado. 

 O Concello de A Guarda dálles os parabéns a todos os participantes.