A GUARDA

As Xornadas Instrumentais Eurocidade continuarán con clases maxistrais en saxofón e clarinete   

•  Este sábado, 14 de decembro

Actuación na audición final da xornada anterior no Centro Cultural

Foto: C.A.G.

 Infogauda / A Guarda

 O pasado sábado, músicos de A Guarda, Caminha e O Rosal desfrutaron das clases maxistrais de Hansel Luis Diez e de José Antonio González Guevara.  

 Ambos os dous músicos compartiron o seu talento en vento metal e percusión, respectivamente, co alumnado. Para rematar a xornada, celebrouse unha audición final no Centro Cultural, onde algúns dos alumnos atrevéronse con solos diante dun público que tamén se sumou á música con palmas.  

 Para este sábado 14 de decembro están programadas outras dúas clases maxistrais:  

- Clarinete, con Asterio Leiva Piñeiro, na Casa dos Alonso de 10 a 14 horas. 

- Saxofón. con Rafael Yebra Rivera, no Centro Cultural de 10 a 13 horas e de 15 a 18 horas.  

 Poden inscribirse todos os músicos e músicas dos concellos de A Guarda, Caminha e O Rosal, e os de outros concellos como oíntes. Para apuntarse hai que premer eiquí e encher o formulario.    

 Este proxecto está cofinanciado pola Unión Europea a través do Programa Interreg VI-A España-Portugal (POCTEP) 2021-2027.